দেশৰ ৰাজধানী গণৰাজ্য দিৱসৰ শোভাযাত্ৰাত প্ৰদৰ্শনৰ বাবে মাজুলীক লৈ এইবাৰৰ প্ৰতীকপদ সাজু কৰিছে অসমে।
এইবাৰৰ প্ৰতীকপদৰ প্ৰধান আকৰ্ষণ হ’ব মুখানৃত্য। হেম গোস্বামীৰ নেতৃত্বত মাজুলীৰ ছামগুৰি সত্ৰৰ এটা দহজনীয়া মুখানৃত্য শিল্পী দলে গণৰাজ্য দিৱসৰ শোভাযাত্ৰাত অংশগ্ৰহণ কৰিব।
বহুবাৰ পৰীক্ষা কৰি চোৱাৰ পিছত প্ৰতিৰক্ষা মন্ত্ৰ্যালয়ে এই সন্দৰ্ভত সেউজ সংকেত দিছে।
প্ৰতীকপদটো হ’ব ৪৮ ফুট দীঘল, ১৬ ফুট ওখ আৰু ১৪ ফুট বহল। প্ৰতীকপদটোত দহজন শিল্পীয়ে ভাওনাৰ দৃশ্য ৰূপা্যন কৰিব। লগতে পৰিৱেশিত হ’ব সত্ৰীয়া সংগীত।
পূৰ্বে অসমে ভূপেন হাজৰিকাক লৈ কৰা প্ৰতীকপদৰ যোগেদি ২০১৪ চনত দ্বিতীয় আৰু ৰঙালীক লৈ কৰা প্ৰতীকপদৰ যোগেদি ২০১৬ চনত তৃতীয় স্থান অধিকাৰ কৰিবলৈ সক্ষম হৈছিল।
উৎসঃ টাইমছ অৱ ইণ্ডিয়া
