দেশত বৰ্তমান লোকসভা নিৰ্বাচনৰ লগতে আই পি এলৰ জ্বৰে আক্ৰান্ত কৰিছে জনসাধাৰণক। নাম, টকা আৰু জনপ্ৰিয়তাৰ খেল আই পি এলৰ এইবাৰ ১২ সংখ্যক সংস্কৰণ। মূল আই পি এলৰ সমান্তৰাল ভাবে অসমতো আই পি এলৰ খেলৰ প্ৰভাৱ পৰিছে।
ৰবিবাৰে নিশা বৰপেটা জিলাত আৰক্ষীয়ে অভিযান চলাই নগদ ধনসহ এজন আই পি এলৰ বুকীক আটক কৰে। আৰক্ষীয়ে অভিযানত বুকীজনৰ পৰা ১৪ হাজাৰৰো অধিক টকা জব্দ কৰিবলৈ সক্ষম হয়। ধৃত বুকীজনৰ নাম হ’ল আব্দুল হামিদ।
উল্লেখযোগ্য যে, কিছুদিন পূৰ্বে ধুবুৰীতো আৰক্ষীয়ে অভিযান চলাই এজন আই পি এলৰ বুকীক নগদ ধনসহ আটক কৰিছিল। আই পি এলত অসমৰ কোনো দল নথকাৰ পাছতো অন্য দল সমূহৰ খেলত বুকীৰ জৰিয়তে ধন লগাই একাংশ অশাধু চক্ৰই সৰ্বসাধাৰণক ঠগি আহিছে।
আৰক্ষীয়ে অসমৰ বিভিন্ন জিলাত এনেধৰণৰ আই পি এলক লৈ চলি থকা জুৱাৰ চক্ৰসমূহ উৎখাত কৰাৰ বাবে অভিযান অব্যাহত ৰাখিছে।
