আছাম চায়েন্স এণ্ড টেকন’লজি য়ুনিভাৰ্ছিটিয়ে (এএছটিয়ু) ২০১৯ বৰ্ষৰ সাধাৰণ প্ৰৱেশ পৰীক্ষাৰ (ক’মন এন্ট্ৰেন্স এগজ্যামিনেশ্যন) ফলাফল শুকুৰবাৰে ঘোষণা কৰিছে।
প্ৰতিবছৰে ৰাজ্যিক পৰ্যায়ৰ ইঞ্জিনিয়াৰিং পৰীক্ষা অনুষ্ঠিত কৰি অহা পৰীক্ষা পৰিচালনা সংস্থা আছাম চায়েন্স এণ্ড টেকন’লজি য়ুনিভাৰ্ছিটিয়ে ২০১৯ বৰ্ষৰ চি ই ই পৰীক্ষাৰ ফলাফলসমূহ ইয়াৰ নিজা ৱেবছাইট astu.ac.in. ত প্ৰকাশ কৰিছে।
পৰীক্ষাত অৱতীৰ্ণ হোৱা প্ৰাৰ্থীসকলে য়ুনিভাৰ্ছিটিখনৰ ৱেবছাইট astu.ac.in ত তেওঁলোকৰ পৰীক্ষাৰ প্ৰাপ্ত নম্বৰৰ তথ্য চাব পাৰিব।
আছাম চায়েন্স এণ্ড টেকন’লজি য়ুনিভাৰ্ছিটিয়ে যোৱা ২৮ এপ্ৰিলত ‘অসম চি ই ই ২০১৯’ পৰীক্ষা অনুষ্ঠিত কৰিছিল।
আছাম চায়েন্স এণ্ড টেকন’লজি য়ুনিভাৰ্ছিটিয়ে অসম চৰকাৰৰ অধীনৰ শিক্ষা প্ৰতিষ্ঠান তথা বিশ্ববিদ্যালয়ত বি টেক পাঠ্যক্ৰমত নামভৰ্তিৰ বাবে যোগ্যতা নিৰ্দ্ধাৰণকাৰী প্ৰাৰ্থীসকলৰ নিৰ্বাচিত তালিকা প্ৰকাশ কৰে।
পৰীক্ষাৰ্থীসকলে ৱেবছাইটত গৈ আছাম চি ই ই বা মেৰিট লিষ্ট থকা টেবত ক্লিক কৰি ফলাফল ল’ব পাৰিব। ইয়াত নিৰ্দেশনা কৰা পেইজত গৈ পৰীক্ষাৰ্থীসকলে তেওঁলোকৰ এপ্লিকেশ্যন নম্বৰ/ য়ুজাৰ নাম আৰু পাছৱৰ্ড ব্যৱহাৰ কৰি ‘ছাবমিট’ বুটনত ক্লিক কৰিব লাগিব।
এইখিনি কৰাৰ পাছতে ‘অসম চি ই ই ২০১৯’ পৰীক্ষাৰ ফলাফল আৰু মেধাৰ তালিকা ডিছপ্লে’ হ’ব য’ত পৰীক্ষাৰ্থীসকলে নিজৰ ফলাফল লাভ কৰিব।
পৰীক্ষাৰ্থীসকলে ‘অসম চি ই ই ২০১৯’ পৰীক্ষাৰ ফলাফলৰ কপি প্ৰিন্ট কৰি এটা লগত ৰাখিব লাগিব কিয়নো নামভৰ্তিৰ বাবে অনুষ্ঠিত হ’বলগীয়া ‘কাউন্সেলিং’ৰ বাবে ইয়াৰ প্ৰয়োজন হ’ব।
পৰীক্ষাৰ্থীসকলে লগতে ফৰ্ম এ, বি আৰু চি তিনিওখন ফৰ্ম পূৰ কৰি ৰাখিব লাগিব। ছাত্ৰ-ছাত্ৰীসকলক তেওঁলোকে পূৰ কৰা পছন্দ আৰু লাভ কৰা স্থান অনুসৰি নামভৰ্তিৰ আসন আগবঢ়োৱা হ’ব।
