২০১৯–২০ বৰ্ষত গুৱাহাটী বিশ্ববিদ্যালয়ৰ অধীনত স্নাতকোত্তৰ অধ্য়য়নৰ বাবে দিব লগা কমন এন্ত্ৰেন্স তে’স্তৰ সবিশেষ ৰাজহুৱা হৈছে।
বিশ্ববিদ্যালয় শ্ৰেণীৰ সচিব আৰু নামভৰ্তি সমিতিৰ সমন্বয়কে এক বিবৃতিৰ জৰিয়তে এই কথা জনাইছে।
বিশ্ববিদ্যালয়খনত প্ৰত্যক্ষভাৱেই হওক বা অধীনৰ মহাবিদ্যালয়সমূহতেই হওক, স্নাতকোত্তৰ পাঠ্যক্ৰম পঢ়িবৰ বাবে এই পৰীক্ষাত উত্তীৰ্ণ হ’ব লাগিব।
ছাত্ৰ–ছাত্ৰীসকলেৰ সুবিধাৰ বাবে বিশ্ববিদ্যালয়ৰ জালুকবাৰী চৌহদৰ লগতে প্ৰৱেশিকা পৰীক্ষাটোৰ মুঠ ১২টা কেন্দ্ৰ স্থাপন কৰা হৈছে—অৰুণাচল প্ৰদেশ, বঙাইগাওঁ, শোণিতপুৰ, ডিফু, ডিব্ৰুগড়, যোৰহাট, মেঘালয়, নগাওঁ, পাঠশালা, শিলচৰ আৰু উত্তৰ লখিমপুৰ।
অহা ২৯ জুনৰ পৰা ৩ জুলাইলৈকে পৰীক্ষাটো অনুষ্ঠিত হ’ব। প্ৰপত্ৰ ভৰ্তিৰ সম্পূৰ্ণ প্ৰক্ৰিয়াটো অনলাইন।
প্ৰপত্ৰ পূৰণ আৰু মাচুল জমা দিয়াৰ অন্তিম তাৰিখ ১৫জুন, ২০১৯।
কিন্তু বিভিন্ন সংৰক্ষণৰ অধীনত নামভৰ্তি কৰিব খোজাসকলে প্ৰপত্ৰখন দাউনল’দ কৰি পূৰাই আনি বিশ্ববিদ্যালয়ৰ শ্ৰেণীকোঠা সচিব বা ছাত্ৰ কল্যাণ সঞ্চালকৰ কাৰ্য্যালয়ত ১৫জুনৰ পূৰ্বে জমা দিব লাগিব।
আৰু অধিক জানিব খোজাসকলক www.gauhati.ac.in ভিজিত কৰিবলৈ বিশ্ববিদ্যালয়ে অনুৰোধ জনাইছে।
