ছেবাই মঙলবাৰে ঘোষণা কৰা মতে, নতুন বছৰত নৱম, দশম শ্ৰেণীৰ পাঠ্যক্ৰমত সংযোজন হ’ব ন বিষয়।
“বাণিজ্য”ক ঐচ্ছিক বিষয়ৰূপে দুয়ো শ্ৰেণীৰ পাঠ্যক্ৰমতে অন্তৰ্ভুক্ত কৰাৰ সিদ্ধান্ত লৈছে সংস্থাটোৱে।
ছেবাৰ অধ্যক্ষ ৰমেশ চন্দ্ৰ জেনে সংবাদ মাধ্যমত এই কথা ঘোষণা কৰিছে।
তেওঁ ২০২০ বৰ্ষৰ অসম হাই স্কুল শিক্ষান্ত আৰু হাই মাদ্ৰাছা পৰীক্ষাৰ প্ৰপত্ৰ পূৰণৰ দিনো ঘোষণা কৰিছে।
১৪ অক্তোবৰৰ পৰা প্ৰপত্ৰ পূৰণ আৰম্ভ হ’ব। অন্তিম দিন হ’ব ৯ নৱেম্বৰ।
অনলাইনযোগে পৰীক্ষাৰ্থীসকলে এইবাৰ প্ৰপত্ৰ পূৰণ কৰিব পাৰিব।
পৰীক্ষা অনুষ্ঠিত হ’ব অহা ফেব্ৰুৱাৰিত, ছেবাৰ অধ্যক্ষ ৰমেশ চন্দ্ৰ জেনে সংবাদ মাধ্যমক জনায়।
জানিব পৰা মতে, প্ৰপত্ৰ পূৰণৰ অন্তিম দিন বৃদ্ধি নকৰাৰ বাবে ছেবাই সিদ্ধান্ত গ্ৰহণ কৰিছে।
