বঙাইগাঁৱত উদণ্ড বাইক চালকৰ অতপালিৰ ফলতে প্ৰাণ গ’ল এটি ছবছৰীয়া শিশুৰ লগতে গুৰুতৰভাৱে আহত হয় শিশুটিৰ পিতৃ।
দুৰ্ঘটনাত নিহত শিশুটিক বইটামাৰী শংকৰদেৱ শিশু নিকেতনৰ প্ৰাক-প্ৰাথমিক শ্ৰেণীৰ ছাত্ৰ কনৌজ শ্যাম সৰকাৰ বুলি চিনাক্ত কৰা হৈছে। লগতে দুৰ্ঘটনাত গুৰুতৰভাৱে আহত শিশুটিৰ পিতৃক কনক সৰকাৰ বুলি চিনাক্ত কৰা হৈছে।
লগতে পঢ়ক http://বঙাইগাঁৱত তীব্ৰ বেগী বলেৰ’ পিকআপ ভ্যেনৰ খুন্দাত থিতাতে মৃত্যু কণমানি ছাত্ৰৰ
জানিব পৰা মতে বঙাইগাঁৱৰ বইটামাৰীত এজন উদণ্ড বাইকাৰ্ছক বচাবলৈ গৈ এখন বালি ভৰ্তি ট্ৰাকে মহতিয়াই নিলে পথৰ কাষত ৰৈ থকা বাপেক-পিতেকক। ফলত থিতাতে নিহত হয় ছবছৰীয়া শিশুটি।
স্থানীয় প্ৰতক্ষ্যদৰ্শীয়ে জনোৱা মতে তিনিজন লোক উঠি অহা এ এছ ১৯ জে ৭২৪৯ নম্বৰৰ এখন তীব্ৰবেগী মটৰচাইকেলক ট্ৰাকখনে বচাবলৈ গৈ পথৰ কাষত ৰৈ থকা বাপেক-পিতেকক মহতিয়াই নিয়ে।
আনহাতে দুৰ্ঘটনাটোত এগৰাকী ছবছৰীয়া শিশুৰ মৃত্যু হোৱা ঘটনাই অঞ্চলটোত এক শোকাকুল পৰিৱেশৰ সৃষ্টি কৰিছে। লগতে স্থানীয় ৰাইজে উক্ত দুৰ্ঘটনা সংঘটিত এলেকাটোত স্পীড ব্ৰেকাৰ দিয়াৰ বাবে দাবী জনাইছে।
