ভাৰতত সোণ বা অলংকাৰ ক্ৰয় কৰাটো শীঘ্ৰেই পূৰ্বতকৈ সুৰক্ষিত হৈ উঠিব। কিয়নো ভাৰত চৰকাৰে ইয়াৰ বিশুদ্ধতাৰ ক্ষেত্ৰত এক ডাঙৰ পদক্ষেপ গ্ৰহণ কৰিছে।
কেন্দ্ৰই অহা ২০১০চনৰ ১৫ জানুৱাৰিৰ পৰা দেশজুৰি সোণৰ অলংকাৰ আৰু কলাকৃতিসমূহত হলমাৰ্ক থকাটো বাধ্যতামূলক কৰিছে।
বৰ্তমান সোণত হলমাৰ্ক থকাটো বিকল্প হৈ আছিল আৰু জুৱেলাৰ্ছসকলে স্বেচ্ছাই ইয়াৰ পৰা আঁতৰি আছিল।
হলমাৰ্ক নোহোৱা সোণ যদি আপুনি কিনে তেতিয়া ভেজাল সোণ কিনাৰ সম্ভাৱনা বহু বেছি থাকে। সেয়ে হলমাৰ্ক থকা অলংকাৰ বিক্ৰী কৰাটো বাধ্যতামূলক হ’লে ইয়াৰ গুণ আৰু বিশুদ্ধতা নিশ্চিত হ’ব।
অৱশ্যে, চৰকাৰে জাননী জাৰি কৰা তাৰিখৰ পৰা এবছৰৰ ভিতৰত নতুনকৈ হলমাৰ্কিং কৰা নীতি ৰূপায়ন কৰাৰ বাবে জুৱেলাৰ্ছসকলক দিয়া হ’ব যাতে তেওঁলোকৰ বৰ্তমানৰ মজুত থকা অলংকাৰখিনি সাং কৰিব পাৰে।
অৰ্থাৎ জুৱেলাৰ্ছসকলে ২০২১’ৰ জানুৱাৰিৰ ভিতৰত পঞ্জীয়ন প্ৰক্ৰিয়া সম্পূৰ্ণ কৰিব লাগিব।
ভাৰত সৰ্বাধিক সোণ আমদানি কৰা দেশ যিটোৱে প্ৰধানকৈ অলংকাৰ উদ্যোগটোৰ চাহিদা বৃদ্ধি কৰিছে।
এগৰাকী সোণ ক্ৰেতাই যদি হলমাৰ্ক থাকে, তেনেহ’লে অলংকাৰৰ নিশ্চয়তা সম্পৰ্কে আশ্বস্ত হ’ব পাৰিব। গতিকে, আপুনি যদি ১৮ কেৰেট হলমাৰ্ক থকা সোণ ক্ৰয় কৰে ই প্ৰকৃততে বুজায় যে ইয়াৰ ১৮/২৪ অংশ সোণ আৰু বাকীখিনি আন ধাতু।
সোণৰ অলংকাৰ ক্ৰয় কৰোতে এই চাৰিটা হলমাৰ্ক চিহ্ন বা প্ৰতীক নিশ্চিত হৈ লওক:-
১. বি আই এছ মাৰ্ক (BIS Mark)
বিআইএছ হলমাৰ্ক হৈছে ধাতুবিধৰ বিশুদ্ধতাক প্ৰত্যায়িত কৰি ভাৰতত বিক্ৰী কৰা সোণৰ লগতে ৰূপৰ হলমাৰ্ক কৰা এটা পদ্ধতি।
ই ভাৰতৰ নেশ্যনেল ষ্টেণ্ডাৰ্ড অৰ্গেনাইজেশ্যন ব্যুৰো অফ ইণ্ডিয়ান ষ্টেণ্ডাৰ্ডছৰ দ্বাৰা নিৰ্দ্ধাৰণ কৰা এলানি মানদণ্ড সম্বলিত অলংকাৰৰ প্ৰমান পত্ৰ।
সোণৰ অংকাৰৰ বাবে বিআইএছ হলমাৰ্কত কেইবাটাও উপাদান থাকে:
২. কেৰেট আৰু ফিটনেছত (যিকোনো এটা) বিশুদ্ধতা
(ক) 22K916 – Equal to 22 Carat
(খ)18K750 – Equal to 18 Carat
(গ) 14K585 – Equal to 14 Carat
৩. আইডেনটিফিকেশ্যন মাৰ্ক বা হলমাৰ্কিং চেন্টাৰৰ নম্বৰ
৪. আইডেনটিফিকেশ্যন মাৰ্ক বা জুৱেলাৰ্ছৰ নম্বৰ
