ভাৰতীয় ক্ৰিকেট দলৰ অধিনায়ক বিৰাট কোহলী আৰু অভিনেত্ৰী অনুষ্কা শৰ্মা বৰ্তমান সময়ত ভাৰতত সৰ্বাধিক চৰ্চিত আৰু জনপ্ৰিয় যুটী।
প্ৰায়ে দুয়োগৰাকী তাৰকা পতি-পত্নীক বিভিন্ন সময়ত দৰ্শকে একেলগে দেখি অহিছে।
বিৰাট কোহলীয়ো তেওঁৰ অভিনেত্ৰী পত্নীৰ সময় পালেই প্ৰশংসা কৰে। অলপতে এটা অনুষ্ঠানত কোহলীয়ে অনুষ্কাই অভিনয় কৰা আটাইতকৈ ভাল লগা চলচ্চিত্ৰখনৰ নাম প্ৰকাশ কৰে।
কোহলীয়ে অনুষ্কা শৰ্মাই অভিনয় কৰা বলীউদৰ ‘য়্যে ডিল হ্যায় মুছকিল’ ছবিখন তেওঁৰ আটাইতকৈ প্ৰিয় বুলি উল্লেখ কৰে।
আনহাতে, তাৰকা ক্ৰিকেটাৰ গৰাকীয়ে উক্ত ছবিখন বহুবাৰ চাইছে বুলি কোৱাৰ লগতে ছবিখনত অনুষ্কাৰ অভিনয়ৰো প্ৰশংসা কৰে।
‘‘মই সময় পালেই য়ু টিউবত ছবিখন চাও আৰু অনুষ্কাই কেন্সাৰ ৰোগত আক্ৰান্ত হোৱা সময়ৰ অভিনয়খিনি মনোযোগেৰে লক্ষ্য কৰো। সেইসময়ত ৰনবীৰ কাপুৰৰ সৈতে থকা গীতটো মোৰ প্ৰিয়,’’ সাক্ষাৎকাৰত কোহলীয়ে কয়।
উল্লেখযোগ্য যে, ২০১৬ চনত মুক্তি লাভ কৰা ‘য়্যে ডিল হ্যায় মুছকিল’ ছবিখনত অনুষ্কা শৰ্মা আৰু ৰনবীৰ কাপুৰে মুখ্য ভূমিকাত অভিনয় কৰাৰ লগতে দুটা গুৰুত্বপূৰ্ণ চৰিত্ৰত অভিনয় কৰিছিল ঐশ্বৰ্য্য ৰায় বচ্চন আৰু ফাৱাড খানে।
