মেক্সিকো, কোষ্টাৰিকা, জাপান, আৰ্জেণ্টিনা, চিলি, বাংলাদেশ আদি দেশৰ প্ৰদৰ্শনীৰে ডিচেম্বৰৰ ৬ তাৰিখৰ পৰা মেঘালয়ৰ ৰাজধানী শ্বিলঙত অনুষ্ঠিত হ’ব ‘নৰ্থ-ইষ্ট ফুড শ্ব-২০১৯’।
ভাৰতৰ লগতে বিদেশৰ বৃহৎ খাদ্য কোম্পানীৰ প্ৰায় ৩০০ অতিথিয়ে খাদ্য মেলাখনত অংশগ্ৰহণ কৰিব বুলি জানিব পৰা গৈছে।
বিশ্বৰ বৃহৎ খাদ্য উদ্ভাৱনকাৰী সেৱা এছ আই এ এলৰ সহযোগত মেঘালয় চৰকাৰে খাদ্য মেলাখন অনুষ্ঠিত কৰিছে।
‘‘নৰ্থ-ইষ্ট ফুড শ্ব’-২০১৯ত দেশ আৰু বিদেশৰ প্ৰায় তিনি শতাধিক অতিথিয়ে অংশগ্ৰহণ কৰিব,’’ মেঘালয়ৰ মুখ্য মন্ত্ৰী কনৰাড চাংমাই কয়।
‘‘অনুষ্ঠানটিক লৈ আমি অধীৰ আগ্ৰহেৰে ৰৈ আছো। খাদ্য মেলাখনে উত্তৰ-পূবৰ খাদ্য সংশাধন ক্ষেত্ৰখনৰ ৰেহ-ৰূপ সলনি কৰিব বুলি আশা কৰা হৈছে,’’ চাংমাই লগতে কয়।
খাদ্য মেলাখনত উত্তৰ-পূবৰ ব্যৱসায়ী, ৰান্ধনি, খেতিয়ক, উদ্ভাৱক আৰু চৰকাৰী বিষয়া সকলে অংশগ্ৰহণ খৰিব বুলিও মুখ্য মন্ত্ৰীয়ে কয়।
আনহাতে, নৰ্থ-ইষ্ট ফুড শ্ব’-২০১৯ত বিশ্ব বিখ্যাত খাদ্য প্ৰস্তুতকাৰী প্ৰতিষ্ঠান পি পি এফ আই আৰু এফ আই এফ আই আদিৰ প্ৰতিনিধিসকেও অংশগ্ৰহণ কৰিব বুলি উদ্যোক্তা সমিতিয়ে জানিবলৈ দিয়ে।
