১৫০ খন টেষ্ট মেচ খেলা বিশ্বৰ প্ৰথম গৰাকী বেগী বলাৰ ৰূপে পৰিগণিত হৈছে ইংলেণ্ডৰ বেগী বলাৰ জেমছ এণ্ডাৰছন।
বৃহস্পতিবাৰৰ পৰা চেঞ্চুৰিয়ানত দক্ষিণ আফ্ৰিকাৰ বিৰুদ্ধে আৰম্ভ হোৱা টেষ্ট শৃংখলাৰ প্ৰথমখন টেষ্টত এণ্ডাৰছনে এই কৃতিত্বৰ অধিকাৰী হয়।
এণ্ডাছনে এছেজ শৃংখলাত নিজৰ শেষৰখন টেষ্টত অংশগ্ৰহণ কৰিছিল। এছেজৰ মাজতে এণ্ডাৰছন আঘাতপ্ৰাপ্ত হৈছিল আৰু দলৰ পৰা বাহিৰ হ’বলগীয়া হৈছিল।
আঘাতৰ পৰা সুস্থ হৈ দললৈ প্ৰত্যাৱৰ্তন কৰা এণ্ডাৰছনে প্ৰথমটো বলতে দক্ষিণ আফ্ৰিকাৰ ডীন এলগাৰৰ উইকেট দখল কৰে।
এণ্ডাৰছনৰ পাছতে তেওঁৰ সহযোগী বলাৰ ষ্টুৱাৰ্ট বোৰ্ড ইংলেণ্ডৰ হৈ দ্বিতীয় সৰ্বাধিক টেষ্টত অংশগ্ৰহণ কৰিছে। বোৰ্ডে এতিয়ালৈ ১৩৫ খন টেষ্টত অংশগ্ৰহণ কৰিছে।
৩৭ বছৰীয়া এণ্ডাৰছনৰ পূৰ্বে ভাৰতৰ শচীন টেণ্ডুলকাৰ, দক্ষিণ আফ্ৰিকাৰ জেকছ কালিছ, অষ্ট্ৰেলিয়াৰ ষ্টিভ ৱ আদিৰ দৰে খেলুৱৈয়ে এই কৃতিত্বৰ অধিকাৰী।
শচীন টেণ্ডুলকাৰে ২০০ খন টেষ্টত অংশ লৈ বিশ্ব অভিলেখ স্থাপন কৰিছে।
মাত্ৰ ২০ বছৰ বয়সতে ইংলেণ্ডৰ হৈ অভিষেক ঘটা ৩৭ বছৰীয়া এণ্ডাৰছনে ২০২১ এছেজলৈ খেল অব্যাহত ৰাখিব বুলি জানিবলৈ দিয়ে।
