নাগৰিকত্ব (সংশোধন) আইনে উত্তৰ-পূবৰ ৰাজ্যকেইখনৰ জনগাঁঠনি সলনি কৰি পেলাব বুলি দাবী কৰি অৰুণাচল প্ৰদেশৰ এগৰাকী জ্যেষ্ঠ এনপিপি নেতা নাবাম বিবেকে দলটোৰ পৰা পদত্যাগ কৰে।
এনপিপিৰ ৰাষ্ট্ৰীয় সভাপতি কনৰাড চাংমাই ‘কেব সম্পৰ্কত লোৱা ইউ-টাৰ্ণ’ৰ বাবেই তেওঁ দলটোৰ প্ৰাৰ্থমিক সদস্য পদৰ পৰা পদত্যাগৰ সিদ্ধান্ত লয় বুলি জনায়। বিবেক দৈমুখ বিধানসভা সমষ্টিৰ প্ৰাৰ্থী।
তেওঁ কা’ কঠোৰভাৱে বিৰোধিতা কৰে বুলি উল্লেখ কৰি ‘অসাংবিধানিক আৰু বিভেদকামী আইনখনৰ’ সপক্ষে ভোট দিয়াৰ বাবে এনপিপিৰ তুৰা সমষ্টিৰ সাংসদ আগাথা চাংমাক গৰিহনা দিয়ে।
‘ৰাজ্যখনৰ এজন শিক্ষিত নেতা হিচাপে নাগৰিকত্ব (সংশোধন) আইন সমৰ্থন কৰিবলৈ মোৰ ওচৰত কোনো জবাব নাই’ তেওঁ কয়।
নাবাম বিবেকৰ পদত্যাগ সম্পৰ্কত মন্তব্যৰ বাবে অৰুণাচল প্ৰদেশৰ এনপিপিৰ সভাপতি জি কাবাকক যোগাযোগ কৰা হৈছিল যদিও তেওঁক পোৱা নগ’ল।
