‘ইছলাম আৰু কুৰআনৰ কলংকিত কথাবোৰ’ শীৰ্ষক গ্ৰন্থৰে কিছুদিন পূৰ্বে অধিক বিতৰ্কৰ মাজত সোমাই পৰা বিতৰ্কিত বিজেপি নেতা সত্যৰঞ্জন বৰাই পুনৰবাৰ ইছলাম ধৰ্মক লৈ কৰিছে বহু বিস্ফোৰক তথা বিতৰ্কিত মন্তব্য।
ইছলামিক সাহিত্য সভাক সমালোচনা কৰিবলৈ গৈ বৃহস্পতিবাৰে দিচপুৰ প্ৰেছ ক্লাৱত এক সংবাদমেল সম্বোধন কৰি বিশ্বৰ সকলো মুছলমান সম্প্ৰদায়ৰ লোককে আক্ৰমণৰ লক্ষ্য কৰি লয়।
মুছলমান সম্প্ৰদায়ৰ প্ৰতি বিদ্বেষমূলক ভাৱ প্ৰকাশ কৰিবলৈ গৈ বৰাৰ সংবাদমেলত মন্তব্য ‘মানৱ অধিকাৰ প্ৰস্তুত কৰিবলৈ হ’লে বিশ্বৰ বুকুৰ পৰা কোৰাণ আৰু ইছলাম নামৰ ষড়যন্ত্ৰকাৰী ধৰ্ম শেষ কৰিব লাগিব। এখন ঘৰত ১০-১২ টা ল’ৰা-ছোৱালী থাকিলে মানৱাধিকাৰ ক’ত থাকিল? তেওঁলোকে সুস্থ অৱস্থাত থাকিব পাৰিব নে খাব পাৰিব?
তেওঁ লগতে ইছলাম ধৰ্ম আৰু তেওঁলোকৰ পবিত্ৰ গ্ৰন্থ কোৰাণক সমালোচনা কৰি কয় ‘বিশ্বত ইছলাম আৰু কোৰাণ নামৰ শব্দ দুটা থাকিব তেতিয়ালৈকে মানৱ অধিকাৰৰ নামত চিঞৰ বাখৰ কৰি থাকি একো লাভ নহ’ব। ইছলাম আৰু কোৰাণেই মানৱ অধিকাৰ হত্যা কৰিছে।‘
বৰাৰ মতে ‘হত্যা, হিংসা আৰু সন্ত্ৰাসবাদ কোৰাণৰ মূল বিষয়বস্তু। হত্যা হিংসা অবিহনে ইছলাম কেতিয়াও সম্পূৰ্ণ হ’ব নোৱাৰে।‘
ইপিনে, বৃহস্পতিবাৰৰ সংবাদমেলতে দা ৰিলিজিঅন অফ পিছ.কমত প্ৰকাশিত এক তথ্য দাঙি ধৰি বৰাই কয় ‘২৭ ডিচেম্বৰ ২০১৯ ৰ পৰা ৩ জানুৱাৰী ২০২০ লৈকে ইছলামিক সন্ত্ৰাসবাদৰ ফালৰ পৰা ২৮ টা আক্ৰমণ হৈছে। তাত মৃত্যু হৈছে ২৮৫ গৰাকী, আঘাতপ্ৰাপ্ত হৈছে ১৯০ গৰাকী ছুইছাইড বোমা বিস্ফোৰণ ১ টা আৰু ১৪ খন দেশত হৈছে এই আক্ৰমণসমূহ।‘
‘পোষ্ট কাৰ্ড নিউজৰ তথ্য অনুসৰি ২০১৬-১৮ বৰ্ষত ৮৪,৩৭৪ টা ধৰ্ষণ কাণ্ড সংঘটিত হৈছে। ইয়াৰে মুছলমান ধৰ্ষণকাৰীৰ সংখ্যা ৮১ হাজাৰ।‘ বৰাই লগতে কয়।
তদুপৰি ‘আমি অসমখন আফগানিস্তান, পাকিস্তান হোৱাটো বিচাৰো নেকি?’ এইদৰে প্ৰশ্ন কৰি বৰাই লগতে কয় ‘যদি নিবিচাৰো ইছলামৰ ষড়যন্ত্ৰ বুজাটো দৰকাৰ।‘
উক্ত সংবাদমেলত ইছলামীক সাহিত্য সভাক সমালোচনা কৰি তেওঁ কয় ‘আকৌ ধৰ্মৰ নামত সাহিত্য সভা। ভাষা-কলা সংস্কৃতি সাম্প্ৰদায়িক হ’ব পাৰে নেকি? সাহিত্য সংস্কৃতি সম্প্ৰদায় আৰু ধৰ্মৰ ওপৰত। কিয় তেওঁলোকক ইছলামীক সাহিত্য সভাৰ প্ৰয়োজন হ’ল? তেওঁলোকে অসম সাহিত্য সভাৰ লগত সংগ দিব নোৱাৰিলে কিয়?’
বৰাৰ মতে ‘ইছলামিক সাহিত্য সভা ভংগ কৰিব বুলি ওলোৱা খবৰ মিছা। তেওঁলোকে নলবাৰীৰ আদাবাৰীত হ’বলগীয়া ইছলামিক সাহিত্য সভাখনহে ভংগ কৰিছে ইছলামিক সাহিত্য সভা ভংগ কৰা নাই।‘
‘ইছলামিক লোকসকলে এটা সীমাৰ ভিতৰত আৱদ্ধ হৈ থাকে। বিশেষত্ব বিচাৰি নোপোৱাসকলে চিঞৰ-বাখৰ কৰি থাকে। বিশেষত্ব পালে এখন দেশ পাকিস্তান, এখন দেশ লিবিয়া আৰু এখন দেশ চিৰিয়া হয়।‘ সংবাদমেলত বৰাৰ মন্তব্য।
তদুপৰি, ‘আৰব নিজে ইছলামিক দেশ নাছিল,’ বুলি মন্তব্য কৰি বৰাই কয় ‘কিন্তু হজৰত মহম্মদে ধৰ্ম প্ৰচাৰ কৰিবলৈ গৈ আৰবক ইছলামিক দেশ বনালে।‘
তেওঁ আৰু কয় ‘মুছলমানে সাংঘাটিক মিছা কথা কয়। কোৰাণৰ ১১৬ চুড়াৰ ১০৬ নং আয়তত উল্লেখ আছে মুছলমানে নিজৰ আধিপত্য বিস্তাৰ কৰিবলৈ মিছা কথা কয়।‘
ইপিনে, মুছলমান মহিলাই পৰিধান কৰা বোৰ্খাক লৈ মন্তব্য কৰি তেওঁ কয় ‘মুছলমান মহিলাই বোৰ্খা পিন্ধাৰ কাৰণ হ’ল মুছলমানসকলে মহিলাক পিশাছ বুলি ভাৱে। সেয়েহে মুখ চাব নাপায় বাবে বোৰ্খাৰে মুখখন ঢাকি থৈ দিয়ে।‘
ইপিনে, ইছলামিক সাহিত্য সভাৰ সমান্তৰালকৈ গঠন হোৱা হিন্দু সাহিত্য সভা সন্দৰ্ভত মন্তব্য কৰি তেওঁ কয় ‘হিন্দু সাহিত্য সভাৰ প্ৰাসংগিকতা আছে বুলি নাভাৱো। যি হিন্দু সাহিত্য সভা খুলিছে তেওঁলোক দিনত টিকা লোৱা ৰাতি ব্যভিচাৰ কৰা হিন্দু। ইছলাম সাহিত্য সভা কৰা দেখি হিন্দু সাহিত্য সভা গঠন কৰাটো শুদ্ধ পদ্ধতি নহয়।‘
আছুক সমালোচনা কৰি বৰাই সংবাদমেলত কয় ‘আমছুক জন্ম দিয়াৰ আঁৰত আছু নাই জানো? সদৌ অসম ছাত্ৰ সন্থা থকাৰ পাছত মৰাণ মটক, আমছু আক্ৰাছু কিয় জন্ম হ’বলগীয়া হ’ল? আছুৱে খিলঞ্জীয়া ছাত্ৰ সন্থাক একত্ৰিত কৰি নাৰাখিলে কিয়?’
