গোলাঘাটত প্ৰধান মন্ত্ৰীৰ ভাৱমূৰ্তি বিনষ্ট কৰাৰ অভিযোগ তুলি লিখকৰ বিৰুদ্ধে গোচৰ পঞ্জীয়ন
গোলাঘাট আৰক্ষী থানাত ৩গৰাকী লিখকৰ বিৰুদ্ধে গোচৰ পঞ্জীয়ন কৰা হৈছে। দ্বাদশ মানৰ ৰাজনীতি বিজ্ঞানৰ প্ৰসংগপুথি লিখা আৰু আছাম বুক ডিপোৱে প্ৰকাশ কৰি উলিওৱা প্ৰসংগ পুথিখনৰ লিখক ৩গৰাকীৰ বিৰুদ্ধে সুমিত্ৰা গোস্বামী আৰু মানস জ্যোতি বৰাই এজাহাৰ দাখিল কৰিছিল।
এজাহাৰখনত বৰা আৰু গোস্বামীয়ে অভিযোগ কৰিছে যে দুৰ্গাকান্ত শৰ্মা, ৰফিক জামান আৰু মানস প্ৰতীম বৰুৱাই তেওঁলোকৰ কিতাপৰ এটা অধ্যায়ত প্ৰধান মন্ত্ৰী মোডীৰ ভাৱমূৰ্তি বিনষ্ট কৰিছে।
নৰ্থ-ইষ্ট নাওৰ সৈতে হোৱা বাৰ্তালাপত বৰাই কয় যে ২০১১ চনৰ গোধ্ৰা কাণ্ডৰ ওপৰত তদন্ত কৰিবলৈ গঠন কৰা বিশেষ অনুসন্ধান কমিটীখনে প্ৰধান মন্ত্ৰী মোডীক ক্লীনশ্বিট দিছে। কিতাপখনৰ দ্বাৰা লিখক কেইগৰাকীয়ে ভুল সাম্প্ৰদায়িক তথ্য বিয়পোৱাৰ চেষ্টা কৰিছে বুলি বৰাই অভিযোগ কৰে।
ইতিমধ্যে, গোলাঘাট থানাত বিভিন্ন ধৰ্ম, জাতি, জন্মস্থান, ভাষিক সম্প্ৰদায়ৰ মাজত শত্ৰুতাৰ ভাৱক উদগনি দিয়াৰ বিৰুদ্ধে ভাৰতীয় দণ্ডবিধিৰ ধাৰা ১৫৩(ক), ধাৰা ৫০৫ (ৰাজহুৱাভাৱে ক্ষতিকৰ মন্তব্য দিয়া) আৰু ধাৰা ৩৪ৰ (এটা সমুহীয়া উদ্দেশ্যৰে একাধিক ব্যক্তিয়ে ষড়যন্ত্ৰমূলক কাম কৰা) অধীনত (৬৯৮/১৮) এটা গোচৰ পঞ্জীয়ন কৰা হৈছে।