বাক্সা জিলাৰ কুমাৰীকাটাত উঠিছে টকাৰ উজান।
৫৮ নং তামুলপুৰ বিধানসভা সমষ্টিৰ কুমাৰীকাটাত আজি সন্ধিয়া ফ্লাইং স্কোৱাডৰ দলে অভিযান চলাই এজন যুৱকৰ পৰা নগদ ১১ লাখ টকা আৰু আন এজন লোকৰ পৰা ২ লাখতকৈ অধিক টকা জব্দ কৰে।
জানিব পৰা মতে, এখন স্কুটিৰে যুৱকজনে ভাৰতীয় ষ্টেট বেংকৰ দৰঙামেলা শাখাৰ পৰা কুমাৰীকাটাৰ গ্ৰাহক সেৱা কেন্দ্ৰলৈ নগদ ১১ লাখ টকা লগত আনিছিল।
নিৰ্বাচনী অধিসূচনাৰ নিয়ম ভংগ কৰাৰ বাবে ফ্লাইং স্কোৱাডৰ দলটোৱে দণ্ডাধীশ আৰু কুমাৰীকাটা আৰক্ষীৰ উপস্থিতিত টকাখিনি জব্দ কৰে।
আৰক্ষী আৰু ফ্লাইং স্কোৱাডৰ দলটোৱে ঘটনা সন্দৰ্ভত তদন্ত অব্যাহত ৰাখিছে।
ফ্লাইং স্কোৱাডৰ দলটোৱে আন এক অভিযানত কুমাৰীকাটা-জালাহ পথত আন এজন লোকৰ পৰা ২ লাখ ১৮ হাজাৰ টকা জব্দ কৰে।
দুয়োটা ঘটনা সন্দৰ্ভত তদন্ত অব্যাহত ৰাখিছে।
