যোৱা সপ্তাহত অধ্যাপকৰ যৌন নিৰ্যাতনৰ বলি হৈ উৰিষ্যাৰ বালাচোৰৰ বি এডৰ এগৰাকী ছাত্ৰীয়ে এগৰাকী চৰম সিদ্ধান্ত গ্ৰহণ কৰিছিল।
সেই ঘটনাটো সমাধান হোৱাৰ আগতেই উত্তৰ প্ৰদেশতো অনুৰূপ ঘটনা সংঘটিত হয়। ৰাজ্যখনৰ গ্ৰেটাৰ নয়ডাৰ এখন ব্যক্তিগত বিশ্ববিদ্যালয়ৰ এগৰাকী ছাত্ৰীয়ে শিক্ষকৰ মানসিক হাৰাশাস্তিৰ বলি হৈ আত্মহত্যা কৰিছে।
আত্মহত্যা কৰা ছাত্ৰীগৰাকীয়ে সাৰাধা বিশ্ববিদ্যালয়ত দন্ত বিজ্ঞান (বিডিএছ)ৰ দ্বিতীয় বৰ্ষত অধ্যয়ন কৰি আছিল। শুকুৰবাৰে নিশা আত্মহত্যা কৰে ছাত্ৰীগৰাকীয়ে।
হোষ্টেলৰ কোঠাত ওলমি থকা মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰা হৈছে।
ডেকান হেৰাল্ডত প্ৰকাশিত এক প্ৰতিবেদন অনুসৰি, ছুইচাইড নোটত মৃত্যুৰ কাৰণ হিচাপে তেওঁৰ দুগৰাকী শিক্ষকৰ নাম উল্লেখ কৰিছিল।
সূত্ৰ অনুসৰি তেওঁ ছুইচাইড নোটত লিখিছে, শিক্ষক দুজনে মোক মানসিকভাৱে অত্যাচাৰ কৰিছিল…মই বহুদিন হতাশ অৱস্থাত আছো…এতিয়া জীয়াই থাকিব পৰা নাই।
ছুইচাইড নোটত তেওঁ লিখিছে, মই তেওঁলোকক জেলত চাব বিচাৰো। মোক মানসিকভাৱে অত্যাচাৰ কৰিছিল। মই বিচাৰো যে তেওঁলোকেও একেদৰেই কষ্ট পাব।
