আমেৰিকা যুক্তৰাষ্ট্ৰৰ মেৰিলেণ্ডৰ মন্টগোমাৰী কাউণ্টিৰ এটা বিদ্যুৎ লাইনত এখন সৰু বিমান দুৰ্ঘটনাগ্ৰস্ত হৈছিল। ইয়াৰ ফলত অঞ্চলটোত বিদ্যুৎ যোগান ব্যৱস্থাত এক বিপৰ্যয়ে দেখা দিছে। কমেও ৮৫ হাজাৰ ঘৰ আৰু ব্যৱসায়িক প্ৰতিষ্ঠানত বিদ্যুত অবিহনে অন্ধকাৰ হৈ পৰে।
স্থানীয় সংবাদ মাধ্যমৰ বাতৰি অনুসৰি দেওবাৰে স্থানীয় সময় অনুসৰি সন্ধিয়া প্ৰায় ৫:৩০ বজাত মন্টগোমাৰী কাউণ্টি এয়াৰ পাৰ্কৰ ওচৰৰ এটা বিদ্যুৎ লাইনত এক ইঞ্জিনৰ মুনি এম-২০জে বিমানখন দুৰ্ঘটনাগ্ৰস্ত হয়।
দুৰ্ঘটনাটোৰ পিছত, বিমানখনৰ দুজন যাত্ৰীক প্ৰায় ১০০ ফুট ওপৰেৰে ওলমি থকা অৱস্থাত দেখা পোৱা গৈছিল। অৱশ্যে দুৰ্ঘটনাটোত বিমানখন সম্পূৰ্ণৰূপে ক্ষতিগ্ৰস্ত হোৱা নাছিল।
মেৰিলেণ্ড আৰক্ষীৰ মতে, পেট্ৰিক মাইকেল আৰু যাত্ৰী জান উইলিয়ামছ বিমানখনৰ পাইলট হিচাপে আছিল। তেওঁলোকক উদ্ধাৰ কৰা হৈছে। পেট্ৰিকৰ ঘৰ ৱাশ্বিংটন ডি.চি.ত আৰু উইলিয়ামছ লুইজিয়ানা আংগৰাজৰ বাসিন্দা।
বৰষুণৰ মাজতে বিমানখন বিদ্যুতৰ লাইনৰ ওপৰত বাগৰি পৰিছিল। দুৰ্ঘটনাটোৰ প্ৰকৃত কাৰণ জানিব পৰা হোৱা নাই।
