পুৰণিগুদামত বিৰল প্ৰজাতিৰ বৰ কাছ পোৱালি উদ্ধাৰ

নগাঁও চহৰৰ সমীপৰ পুৰণিগুদাম অঞ্চলৰ ‘’অসম হাট”ৰ সন্মুখত বৃহস্পতিবাৰে এজন যুৱকে এটা বিৰল প্ৰজাতিৰ ‘বৰ কাছ’ পোৱালি উদ্ধাৰ কৰে। অসমত প্ৰায় বিলুপ্তিৰ পথত গতি কৰা এই বিৰল বৰ কাছ পোৱালিটো পিছত স্থানীয় পৰিৱেশ প্ৰেমীয়ে নৈত এৰি দিয়ে।

সচৰাচৰ দেখিবলৈ নোপোৱা এই বিৰল প্ৰজাতিৰ কাছ পোৱালিটো পুৰণিগুদাম শাখা সাহিত্য সভাৰ সম্পাদক দ্বীজেন্দ্ৰ মোহন শইকীয়া, সাংবাদিক প্ৰমোদ শৰ্মা, শিশু সাহিত্যিক দুলাল বৰা, “অসম হাট”ৰ পৰিচালক পিংকু বৰুৱাৰ লগতে বহু কেইজন স্থানীয় লোকৰ উপস্থিত কলং নৈত এৰি দিয়া হয়।

উল্লেখ্য যে, ৩৭ নং ৰাষ্ট্ৰীয় ঘাইপথৰ চাৰি লাইন যুক্ত পথৰ কাম চলি থকাৰ বাবেই বহু খাল-বিল পুতি পেলোৱাত কাছ পোৱালিটো বামলৈ উঠি অহা বুলি স্থানীয় ৰাইজে সন্দেহ কৰিছে।