দক্ষিণ কোৰিয়া বিশ্বৰ ভিতৰতে অন্যতম কম টোপনি যোৱা লোকৰ দেশ। দেশৰ কৰ্মপ্ৰিয় লোকসকলৰ জিৰণি লোৱাৰ বিশেষ অভ্যাস নাই। সেয়েহে দেশত এক ব্যতিক্ৰমী অনুষ্ঠান – চুটি টোপনিৰ প্ৰতিযোগিতা বা Power Nap Contest অনুষ্ঠিত হৈ গ’ল।
এই প্ৰতিযোগিতাখন শনিবাৰে ৰাজধানী ছিউলৰ হান ৰিভাৰ পাৰ্কত অনুষ্ঠিত হয়। এই অনুষ্ঠানত প্ৰায় ১০০ গৰাকী প্ৰতিযোগীয়ে অংশগ্ৰহণ কৰে।
প্ৰতিযোগিতাত সকলোৱে ডেৰ ঘণ্টা শুব লগা হৈছিল। কোনে কিমান ভালদৰে শুইছে সেইটো নিৰ্ণয় কৰা হৈছিল হৃদস্পন্দনৰ পাৰ্থক্য জুখি। এই প্রতিযোগিতাত অংশগ্রহণ কৰা বহুতেই উৎফুল্লিত হৈ পৰিছিল৷
কিছুমান প্ৰতিযোগীয়ে কৈছিল, সাধাৰণতে আমি গোটেই সপ্তাহটো বহুত কাম কৰো। ভাগৰুৱা হ’লেও টোপনি মাৰিব নোৱাৰো। প্ৰতিযোগিতাখন বৰ ভাল হৈছে, শুব পাৰিম বুলি শুনিয়ে অংশগ্ৰহণ কৰিবলৈ আহিলোঁ।
উল্লেখ্য যে বিশ্বত আটাইতকৈ ৰাতি বেছিকৈ শুৱে ফিনলেণ্ড, নেদাৰলেণ্ড আৰু অষ্ট্ৰেলিয়াৰ নাগৰিকে। আনহাতে দক্ষিণ কোৰিয়া আৰু জাপানৰ বাসিন্দাসকলে আটাইতকৈ কম টোপনি শুৱে।
প্ৰতিযোগিতাখনৰ আয়োজক লিম জি-হিয়নে কয় যে দক্ষিণ কোৰিয়াৰ লোকসকলে অতি কম টোপনি মাৰে। আমি আশা কৰোঁ যে আমাৰ প্ৰতিযোগিতাৰ জৰিয়তে মানুহে জিৰণিৰ গুৰুত্ব আৰু টোপনিৰ উপকাৰিতাৰ বিষয়ে সচেতন হ’ব। টোপনিৰ গুৰুত্বৰ বিষয়ে এক ধাৰণা দিয়াটোৱেই আমাৰ লক্ষ্য।
