ৰাজ্যত ধাৰাবাহিকভাৱে নাৰী নিৰ্যাতন বলাৎকাৰ অথবা হত্যাৰ ঘটনা বৃদ্ধি পোৱাৰ সময়তে বোকাখাতত দুজন বিবাহিত লম্পটৰ কামনাৰ বলি হ’ল এগৰাকী নৱম শ্ৰেণীৰ ছাত্ৰী। দুই বিবাহিত লম্পট ধৰ্ষণকাৰীক ভাস্কৰ দত্ত আৰু বিচিত্ৰ বৰা ওৰফে বুবুল বুলি চিনাক্ত কৰা হৈছে।
উল্লেখযোগ্য যে বোকাখাত কলাখোৱা গাঁৱৰ এগৰাকী নৱম শ্ৰেণীৰ ছাত্ৰী বুধবাৰে বিদ্যালয় ছুটীৰ পাছত ঘৰলৈ গৈ থকা ভাস্কৰ নামৰ লম্পটটোৱে ফুৰাবলৈ নিয়াৰ প্ৰলোভনেৰে সতীৰ্থ বুবুলৰ ঘলৈ নিয়ে।
আৰু পিছত দুই লম্পটে বুবুলৰ ঘৰত কোনো নথকাৰ সুযোগ গ্ৰহণ কৰি নৱম শ্ৰেণীৰ ছাত্ৰী গৰাকী তথা কিশোৰী গৰাকীক ধৰ্ষণ কৰে। আৰু লগতে কিশোৰী গৰাকীক ঘটনা সন্দৰ্ভত পৰিলায়লৰ লোকক অৱগত কৰিলে প্ৰাণে মৰাৰ ভাবুকি দিয়ে।
ইফালে নিজ কন্যা বিদ্যালয়ৰ পৰা ঘৰলৈ সময়ত ঘূৰি নহাত পৰিয়ালৰ লোকে কিশোৰী গৰাকীৰ সন্দৰ্ভত বিচাৰ-খোচাৰ কৰে যদিও সন্ধিয়ালৈকে কোনো সম্ভেদ নাপালে।
কিছু সময়ৰ পিছত ছাত্ৰী গৰাকী লম্পট দুটাৰ হাতৰ পৰা পলায় আহি নিজ গৃহত উপস্থিত হৈ ঘটনা সন্দৰ্ভত পৰিয়ালৰ লোকক অৱগত কৰাত পৰিয়ালৰ লোকে বোকাখাত আৰক্ষী থানাত এজাহাৰ দাখিল কৰে।
আৰু বোকাখাত আৰক্ষীয়ে পৰিয়ালৰ লোকৰ এজাহাৰৰ ভিত্তিত দুই লম্পটক বৃহস্পতিবাৰে নিশা অভিযান চলাই আটক কৰে। লগতে আৰক্ষীৰ জেৰাত দুই অভিযুক্তই কিশোৰী গৰাকীৰ ধৰ্ষণ কৰাৰ কথা স্বীকাৰ কৰিছে।
আনহাতে বোকাখাত আৰক্ষীয়ে গোচৰ নং ৪১৯/১৮ ভাৰতীয় দণ্ডবিধি আইনৰ ৩৭৬ (ডি) ধাৰাত দুই লম্পটক গ্ৰেপ্তাৰ কৰি জেল হাজোতলৈ প্ৰেৰণ কৰিছে ৷
উল্লেখযোগ্য যে লম্পট তথা অভিযুক্ত ভাস্কৰ দত্তৰ ঘৰ বোকাখাত মণ্ডল গাঁৱত আৰু বিচিত্ৰ বৰাৰ ঘৰ বোকাখাতৰ বৰভেটা গাঁৱত ৷ বিবাহিত ভাস্কৰৰ এগৰাকী কণমানি কন্যা সন্তানো আছে আৰু লম্পট প্ৰকৃতিৰ বিচিত্ৰ বৰাই ইতিমধ্যে দুগৰাকীক বিবাহ কৰাইছে ৷
