যোৱা ২ বছৰৰ আগত মুক্তি লাভ কৰা অসমৰ জনপ্ৰিয় বোলছবি মিছন চাইনা এতিয়া নতুন ৰূপত। হয় হাৰ্ট থ্ৰব জুবিন গাৰ্গে নিমাৰ্ণ কৰি উলিওৱা ছবি মিছন চাইনা এতিয়া গেইমৰ ৰূপত ৷
শিৱসাগৰৰ তিনি যুৱক ক্ৰমে অঞ্জুমান গগৈ, দ্বীপজ্যোতি গগৈ আৰু অংকুৰ জ্যোতি হাতিবৰুৱাই নিৰ্মাণ কৰি উলিওৱা মিছন চাইনা 3 D gameটো উন্মোচন কৰা হয় শিৱসাগৰৰ zoonkaya৷ত। উন্মোচনী অনুষ্ঠানটিত উপস্থিত থাকে জনপ্ৰিয় শিল্পী জুবিন গাৰ্গ।
ইফালে জুবিন গাৰ্গে কয় যে যিটো সময়ত পাপ জিৰ নিচিনা গেইমৰ প্ৰতি বহুত ছাত্ৰ-ছাত্ৰী আসক্ত হৈ কাম-বন বাদ দিয়াৰ উপৰি মৃত্যু পৰ্যন্ত হৈছে। তেনে ধৰণৰ গেইমৰ পৰা বিৰত থাকিবলৈ জুবিনে সকলোকে অনুৰোধ জনায়।
আনহাতে চৰকাৰে অসমীয়া বোলছবিৰ উন্নতিৰ হকে গুৰুত্ব দিব লাগে বুলিও শিল্পী গৰাকীয়ে মন্তব্য কৰে। জুবিনে কয়, ‘আমি বহুত লাগি আছো। বহুত ভূকি আছো। কিন্তু কাণ সাৰ নাই চৰকাৰৰ। আমিটো ভূকিবহে পাৰো ৷’
ইফালে শিল্পী নিপন গোস্বামীৰ মৃত্যুৰ উৰা বাতৰি প্ৰসংগত জুবিনে কয়, ‘আমি সমাজিক মাধ্যম ফেচবুক ভাল দৰে ব্যৱহাৰ কৰিব লাগে’।
