জনজাতি সন্থা সমন্বয়ক সমিতিৰ ২৪ ঘণ্টীয়া অসম বন্ধৰ বিৰোধিতা সদৌ অসম মটক যুব ছাত্ৰ সন্মিলনৰ

অসমৰ ৬টা জনগোষ্ঠীক জনজাতি মৰ্যাদা প্ৰদানৰ বিৰোধিতা কৰি জনজাতি সন্থা সমন্বয়ক সমিতিয়ে আহ্বান জনোৱা ২৪ ঘণ্টীয়া বন্ধৰ বিৰোধিতা কৰিছে সদৌ অসম মটক ছাত্ৰ সন্মিলনে।

মটক ছাত্ৰ সন্মিলনৰ দ্বাৰা প্ৰকাশিত এটা সংবাদমেলক সম্বোধন কৰি ৬টা জনগোষ্ঠীক জনজাতিৰ মৰ্যাদা প্ৰদানৰ বাবে কেন্দ্ৰই গ্ৰহণ কৰা সিদ্ধান্তৰ বিৰোধিতা কৰাৰ বাবে জনজাতি সন্থা সমন্বয়ক সমিতিৰ সম্পাদক আদিত্য খাখলাৰীক তীব্ৰ ভৰ্ৎসনা কৰে।

সদৌ অসম মটক যুব ছাত্ৰ সন্মিলনৰ উপদেষ্টা মিণ্টু বৰপাত্ৰ গোহায়ে কৈছে, জনজাতীয় সংগঠনৰ তথাকথিত সম্পাদকগৰাকীয়ে চৰকাৰৰ দালালৰ কাম কৰিছে। আমি এই বন্ধৰ বিৰোধিতা কৰিছোং কাৰণ ইয়ে জনজাতিৰ মৰ্যাদাৰ বাবে দাবী জনাই অহা ৬টা জনগোষ্ঠীয় সংগঠনৰ মানসিকতাত আঘাত কৰিছে।

সন্মিলনৰ উপদেষ্টা মিণ্টু বৰপাত্ৰ গোহায়ে কৈছে, ‘‘৬টা গনগোষ্ঠীয়ে জানজাতীয় মৰ্যাদা পাব নে নাই তাৰ সিদ্ধান্ত ল’বলৈ আদিত্য খাখলাৰী কোন? এই তথাকথিত নেতাজনে এই সংবেদনশীল বিষয়টোৰ ওপৰত মানুহক বিভক্ত কৰিবলৈ বিচাৰিছে।’’

সন্মিলনৰ সভাপতি ডেভিদ হাজৰিকাই কৈছে, ‘‘বিজেপিয়ে জনজাতীয় মৰ্যাদাক লৈ ৰাজনীতি কৰিব বিচাৰিছে। ২০১৪ চনত নৰেন্দ্ৰ মোডীয়ে কৈছিল যে যদিহে তেওঁলোকৰ চৰকাৰ গঠন হয়, তেন্তে ৩ মাহৰ ভিতৰতে ৬টা জনগোষ্ঠীক জনজাতীয় মৰ্যাদা প্ৰদান কৰিব। কিন্তু তেওঁলোকে আমাক প্ৰতাৰণা কৰিছে।’’ তেওঁ আৰু কৈছে, ‘‘জনজাতীয় মৰ্যাদা নাগৰিকত্ব (সংশোধনী) বিধেয়ক, ২০১৬ৰ বিকল্প নহয়।

হাজৰিকাই কৈছে যে জানুৱাৰিৰ ২৭ তাৰিখৰ পৰা ফেব্ৰুৱাৰিৰ ১০ তাৰিখলৈ তেওঁলোকে অৰ্থনৈতিক অৱৰোধ কাৰ্যসূচী গ্ৰহণ কৰিব।