চন্দ্ৰযান ৩ৰ পিছত ইছৰোৱে মহাকাশ বিজ্ঞানৰ ইতিহাসত আন এক মাইলৰ খুঁটি স্থাপন কৰিছে। সৌৰ গৱেষণাৰ বাবে শ্ৰীহৰিকোটাৰ পৰা থলুৱাভাৱে নিৰ্মিত সৌৰযান ‘আদিত্য এল ১’ সফলতাৰে উৎক্ষেপণ কৰা হৈছে। নিজৰ লক্ষ্যৰ প্ৰতি অটল আদিত্যই ইতিমধ্যে নিজৰ কাম আৰম্ভ কৰিছে।
বৃহস্পতিবাৰে মহাকাশলৈ যোৱাৰ পথত ভাৰতৰ সৌৰযানখনে এখন চেলফি তুলিছে। লগতে চন্দ্ৰ আৰু পৃথিৱীৰ ছবিও তুলি পঠিয়াইছে। ইছৰ’ই সেই মহাজাগতিক ছবি শ্বেয়াৰ কৰিছে।
লগতে পঢ়ক: সোণ-ৰূপ নহয়, চন্দ্ৰত আছে আৰু অধিক মূল্যৱান খনিজ পদাৰ্থ! হ’ব পাৰে মহাজাগতিক যুদ্ধও
যোৱা ২ ছেপ্টেম্বৰত আদিত্যই আৰম্ভ কৰিছিল ইয়াৰ সূৰ্যমুখী যাত্ৰা। এই মুহূৰ্তত ইয়াৰ গতি আগতকৈ বেছি দ্ৰুত হৈছে। অৱশ্যে পৃথিৱীৰ ‘মায়া’ এৰিবলৈ এতিয়াও দেৰি আছে। ৩ ছেপ্টেম্বৰত সৌৰ যানখনে প্ৰথমবাৰৰ বাবে কক্ষপথ সলনি কৰে। যদি সকলো ঠিকে থাকে তেন্তে ১০ ছেপ্টেম্বৰত তৃতীয়বাৰৰ বাবে কক্ষপথ সলনি কৰিব।
এনেদৰে পাঁচবাৰ কক্ষপথ সলনি কৰাৰ পিছত আহিব সেই মুহূৰ্তটো। মুঠতে ১৫ৰ পৰা ১৬ দিন সময় লাগিব। পৃথিৱীৰ মাধ্যাকৰ্ষণ শক্তিৰ পৰা বাহিৰলৈ ওলাই ই সূৰ্য্যৰ ফালে গতি কৰিব। ই ১৫ লাখ কিলোমিটাৰ দূৰত্বৰ এল ১ লৈ পৰ্যন্ত যোৱাৰ কথা। ইয়াত পৃথিৱীৰ সময় হিচাপত ১২৫ দিন লাগিব।
Aditya-L1 Mission:
👀Onlooker!Aditya-L1,
destined for the Sun-Earth L1 point,
takes a selfie and
images of the Earth and the Moon.#AdityaL1 pic.twitter.com/54KxrfYSwy— ISRO (@isro) September 7, 2023
আদিত্যই মাধ্যাকৰ্ষণ, সূৰ্যৰ পোহৰৰ জীৱনীশক্তিকে ধৰি বিভিন্ন বিষয়ত পৰীক্ষা-নিৰীক্ষা চলাব। যানখনত ৭টা পেলোড আছে। ইয়াৰে এটাই সূৰ্য্যৰ পৰা অহা পোহৰ পৰীক্ষা কৰিব। বাকী তিনিটা প্লাজমা আৰু চুম্বকীয় ক্ষেত্ৰক লৈ কাম কৰিব, শক্তি নিৰ্ধাৰণ কৰিব। সূৰ্যৰ পৰা পোহৰ বিকিৰণৰ ধৰণ পৰ্যবেক্ষণ কৰাৰ উপৰিও ইছৰোৰ সৌৰযানখনে সূৰ্য্যৰ চাৰিওফালৰ বতৰ পৰীক্ষা কৰি তথ্য প্ৰেৰণ কৰিব।
