অসম আৰক্ষীৰ উপ পৰিদর্শক নিযুক্তি পৰীক্ষাৰ বাবে এডমিট কার্ডসমূহ মুকলি কৰি দিয়া হৈছে ৷
প্ৰাৰ্থীসকলে নিৰ্দিষ্ট লিংকত গৈ নিজৰ নিজৰ এপ্লিকেচন নম্বৰ আৰু জন্মৰ তাৰিখ দাখিল কৰি এডমিট কার্ড ডাউনল’ড কৰিব পাৰিব।
প্ৰাৰ্থীসকলে এডমিট কাৰ্ড ডাউনলোড কৰিবৰ বাবে লিংক : http://43.240.67.43/Dibru_PI_20/?r আৰু :http://43.240.65.181/Dibru_PI_20/?r ত গৈ ডাউনলোড কৰিব পাৰিব।
চলিত মাহৰ ২২ নৱেম্বৰত ৰাজ্যৰ বিভিন্ন স্থানৰ পৰীক্ষা কেন্দ্ৰত অনুষ্ঠিত হ’ব লগীয়া অসম আৰক্ষীৰ উপ পৰিদৰ্শকৰ এই পৰীক্ষা দুপৰীয়া ১২.০০ টা বজাৰপৰা বিয়লি ২.০০ বজালৈ অনুষ্ঠিত হ’ব।
পৰীক্ষাৰ্থীসকলক পৰীক্ষা কেন্দ্ৰত আঢ়ৈ ঘণ্টাৰ আগতে উপস্থিত হ’বলৈ নিৰ্দেশ দিছে ব’ৰ্ডে।
কোভিড প্ৰট’কল মানি চলিবগীয়া হোৱাৰ বাবেই পুৱা ৯.৩০ বজাত পৰীক্ষাৰ্থীসকলক পৰীক্ষা কেন্দ্ৰত উপস্থিত হ’বলৈ নিৰ্দেশ দিয়া হৈছে বুলি ব’ৰ্ডে জনাইছে।
উল্লেখ্য যে অসম আৰক্ষীৰ ৫৮৯ টা উপ পৰিদৰ্শকৰ পদৰ বাবে যোৱা ২০ ছেপ্টেম্বৰত লিখিত পৰীক্ষা অনুষ্ঠিত হৈছিল যদিও ১৫ মিনিট অতিক্ৰম কৰাৰ পিছতে পৰীক্ষাৰ প্ৰশ্ন কাকত ফাদিল হোৱাত পৰীক্ষা বাতিল কৰা হয়।
ইতিমধ্যে অসম আৰক্ষীৰ উপ পৰিদৰ্শক পদৰ লিখিত পৰীক্ষাৰ প্ৰশ্নকাকত ফাদিল কেলেংকাৰিত অভিযুক্ত কেবাজনকো চিআইডি-এ গ্ৰেপ্তাৰ কৰি তদন্ত প্ৰক্ৰিয়া অব্যাহত ৰাখিছে।
