গুজৰাটত দুৰ্ঘটনাত পতিত হৈছে বায়ুসেনাৰ এখন যুদ্ধ বিমান। দুৰ্ঘটনাত এজন পাইলটৰ মৃত্যু হয়। আৰু গুৰুতৰভাৱে আহত আনজন পাইলটজন চিকিৎসালয়ত চিকিৎসাধীন হৈ আছে। ভাৰতীয় বায়ুসেনাই মাজিক মাধ্যমৰ জৰিয়তে দুৰ্ঘটনাৰ বিষয়ে জনাইছে।
বুধবাৰে নিশা গুজৰাটৰ জামনগৰৰ পৰা ১২ কিলোমিটাৰ নিলগৰ সুভদ্ৰা নগৰ অঞ্চলত বায়ুসেনাৰ জেগৱাৰ বিমান দুৰ্ঘটনাগ্ৰস্ত হয়। বায়ুসেনাই জনোৱা মতে, দুয়োজন পাইলটে টুইন চিটাৰ জেগৱাৰৰ সৈতে নিয়মীয়াকৈ প্ৰশিক্ষণ লৈ আছিল। যান্ত্ৰিক বিজুতিৰ বাবে এই দুৰ্ঘটনা সংঘটিত হোৱা বুলি সদৰী কৰিছে। দুৰ্ঘটনাৰ পূৰ্বে পাইলটসকলে ইনজেক্টৰৰ পৰা নিজকে পৃথক কৰিবলৈ চেষ্টা কৰিছিল যদিও সফল নহ’ল। দুৰ্ঘটনাৰ পিছতে বিমানখনত অগ্নিকাণ্ড সংঘটিত হয়।
প্ৰত্যক্ষদৰ্শীৰ মতে, তেওঁলোকে এটা শক্তিশালী বিস্ফোৰণৰ শব্দ শুনিছিল আৰু তাৰ পিছত দুৰ্ঘটনাস্থলীৰ পৰা ক’লা ধোঁৱা ওলোৱা দেখিছিল। এতিয়া ভাৰতীয় বায়ুসেনাই দুৰ্ঘটনাৰ কাৰণসমূহৰ তদন্তৰ বাবে এখন কমিটী গঠন কৰিছে।