প্ৰায় ৫০০ বছৰীয়া বিবাদৰ অন্তত উচ্চতম ন্যায়ালয়ৰ ৰায় অনুসৰি প্ৰধানমন্ত্ৰী নৰেন্দ্ৰ মোডীয়ে অযোধ্যাত ৰাম মন্দিৰৰ শিলান্যাস কৰাৰ মাত্ৰ কেইঘণ্টা মান পিছতেই ৰাম মন্দিৰ ভাঙি তাৰ ঠাইত মছজিদ সজা হ’ব বুলি বিতৰ্কিত মন্তব্য আগবঢ়ালে অল ইণ্ডিয়া ইমাম এছোচিয়েছনৰ সভাপতি চাজিদ ৰছিদে।
ৰছিদে কয় যে অযোধ্যাত কেতিয়াও ৰাম মন্দিৰ নাছিলেই।
মন্দিৰ ভাঙি কেতিয়াও মছজিদ গঢ়া হোৱা নাছিল।
ইছলামৰ মতে মছজিদ সদায় মছজিদেই হৈ থাকে।
মছজিদ ভাঙি মন্দিৰ গঢ়িব নোৱাৰি।
তেওঁ লগতে কয় যে যিহেতু মছজিদ ভাঙি মন্দিৰ সজা হ’লেই এতিয়া সেই মন্দিৰ ভাঙি মছজিদ গঢ়াৰ হে কথা।
চাজিদ ৰছিদে দৃঢ়তাৰে কয় যে তাত যিহেতু মছজিদ আছিল সেয়া থাকিবই লাগিব।
ইয়াৰ বাবে মন্দিৰ ভাঙিব লাগিব।
ৰছিদৰ এনে উত্তেজক মন্তব্যই এতিয়া দেশ জুৰি তীব্ৰ প্ৰতিক্ৰিয়াৰ সৃষ্টি কৰা পৰিলক্ষিত হৈছে।
আছাদুদ্দিন ৱাইছিৰ সুৰতে সুৰ মিলাই অল ইণ্ডিয়া ইমাম এছোচিয়েছনৰ সভাপতি চাজিদ ৰছিদে লগতে কৈছে যে অযোধ্যালৈ গৈ মোডীয়ে ভাৰতীয় সংবিধানক অৱজ্ঞা কৰিছে।মোডীৰ ভ্ৰমণে সংবিধানৰ নিয়ম ভংগ কৰা বুলিও তেওঁ কয়।
