কেইবছৰমান ডেটিং কৰাৰ পিছত ২০০৭ চনত অমিতাভ বচ্চনৰ পুত্ৰ অভিষেক বচ্চনৰ সৈতে বিবাহপাশত আবদ্ধ হয় ঐশ্বৰ্য ৰায়ে। ১৫ বছৰতকৈও অধিক সময় ধৰি বচ্চন পৰিয়ালৰ বোৱাৰী তেওঁ। কন্যা আৰাধ্যাৰ জন্ম হৈছিল ২০১১ চনত। প্ৰাক্তন মিছ ৱৰ্ল্ড, বলীউডৰ অভিনেত্ৰীগৰাকী বলীউডৰ অন্যতম বিখ্যাত পৰিয়ালৰ সদস্য।
যোৱা দুটা দশকৰ কালছোৱাত বচ্চন পৰিয়ালক কেন্দ্ৰ কৰি বিভিন্ন ধৰণৰ উৰাবাতৰিৰ সৃষ্টি হৈছে। শাহুৱেক জয়া বচ্চনৰ লগত ঐশ্বৰ্যৰ একেবাৰে ৰাহিযোৰা নহাৰ কথা বাৰে বাৰে শুনা গৈছে। যদিও ৰাজহুৱা স্থানত অভিনেত্ৰীগৰাকীয়ে নিজকে অমিতাভ আৰু জয়াৰ বোৱাৰী হিচাপে নিখুঁতভাৱে চিত্ৰিত কৰিছে।
লগতে পঢ়কঃ বিমানত যৌন নিৰ্যাতনৰ বলি জনপ্ৰিয় অভিনেত্ৰী! দৰাচলতে কি ঘটিছিল দিব্যাৰ লগত?
বঁটা প্ৰদান অনুষ্ঠানৰ পৰাই বিভিন্ন সামাজিক অনুষ্ঠানত শাহুৱেকৰ কাষতে দেখা গৈছে বোৱাৰীক। কিন্তু শেহতীয়া খবৰ ক্ল্স বচ্চন পৰিয়ালৰ শাহুৱেক-বোৱাৰীৰ মাজৰ সম্পৰ্কত ফাট মেলিছে। ঐশ্বৰ্যৰ কেৱল শাহুৱেকৰ লগতে নহয়, ননদ শ্বেতা বচ্চন নন্দাৰ লগতো তিক্ততা গঢ়ি উঠিছে।
১১ অক্টোবৰৰ বিগ বিৰ জন্মদিনত ছ’চিয়েল মিডিয়াৰ পেজবোৰ শুভেচ্ছাৰে ভৰি পৰিছিল। বিগ বিৰ নাতিনী নব্যা নন্দাই ইনষ্টাগ্ৰামত ককাকক শুভেচ্ছা জনাই এখন ছবি পোষ্ট কৰে। আৰাধ্যা, অগস্ত্য, অমিতাভ আৰু জয়াৰ সৈতে এখন ছবি পোষ্ট কৰে নব্যাই।
শ্বেতাৰ কন্যাই সেই ছবিখনৰ জৰিয়তে ককাকক জন্মদিনৰ শুভেচ্ছা জনাইছিল। সেই ছবিখন ব্যৱহাৰ কৰিয়েই ঐশ্বৰ্যই শহুৰেকৰ ৮১তম জন্মদিনত শুভেচ্ছা জনাইছিল। অৱশ্যে ঐশ্বৰ্যই পোষ্ট কৰা ছবিখন দেখি স্তম্ভিত হৈ পৰে নেটিজেনসকল। অভিনেত্ৰীগৰাকীয়ে ছবিখনত নব্যা, জয়া আৰু অগস্ত্যক বাদ দি কেবল আৰাধ্যা আৰু অমিতাভক ৰাখে।
লগতে পঢ়কঃ অপ্ৰতিৰোধ্য হিটমেন! আন্তৰ্জতিক ক্ৰিকেটত আটাইতকৈ বেছি ছিক্সাৰ; বিশ্বকাপত সৰ্বাধিক শতক…
ঐশ্বৰ্যাই নিজৰ কন্যাৰ সৈতে বিগ বিৰ ছবিৰে শহুৰেকক জন্মদিনৰ শুভেচ্ছা জনায়। কিন্তু শাহুৱেক, ননদ আৰু সন্তানৰ সৈতে ঐশ্বৰ্যৰ সম্পৰ্কৰ অৱনতি ঘটিছে? এই প্ৰশ্নটোক কেন্দ্ৰ কৰি কৌতুহল বাঢ়িছে।
কিছু সপ্তাহ পূৰ্বে পেৰিছ ফেশ্বন উইকত উপস্থিত আছিল ঐশ্বৰ্য। এটা বিখ্যাত প্ৰসাধন কোম্পানীৰ ব্ৰেণ্ড এম্বেছাদৰ হিচাপে তেওঁ ৰেম্পত খোজ দিছিল। একে ঠাইতে নব্যাও উপস্থিত আছিল। তেওঁক উৎসাহিত কৰিবলৈ উপস্থিত আছিল মাতৃ শ্বেতা আৰু জয়াও।
লগতে পঢ়কঃ বিহাৰত সংঘটিত নৰ্থ ইষ্ট এক্সপ্ৰেছ ৰে’ল দুৰ্ঘটনাত অসমৰ দুই মাতৃ-কন্যাৰ মৃত্যু
শ্বেতাই যদিও পেৰিছৰ কেইবাখনো ছবি ছ’চিয়েল মিডিয়া পেজত শ্বেয়াৰ কৰিছিল, তথাপি ঐশ্বৰ্যৰ সৈতে কোনো ছবি শ্বেয়াৰ কৰা নাছিল। ননদৰ এনে আচৰণত যথেষ্ট ক্ষুব্ধ প্ৰাক্তন সৌন্দৰ্য্যৰ ৰাণীগৰাকী। সেই ক্ষোভৰ বাবেই নেকি ঐশ্বৰ্যই জয়া, নব্যাক ছবিখনৰ পৰা বাদ দিলে? তাক লৈয়েই বদ্ধি পাইছে অধিক জল্পনা-কল্পনা।
