বিমানত বা বিমানবন্দৰত অস্বস্তিকৰ পৰিৱেশৰ সন্মুখীন হোৱাটো যাত্ৰীৰ বাবে নতুন কথা নহয়। ইয়াৰ পূৰ্বে বিমানত বা বিমানবন্দৰত ক্ৰু মেম্বাৰে তাৰকাক অপমান কৰা বা বিমানৰ খাদ্যত মৃত পোক-পৰুৱা পোৱাৰ কেইবাটাও কাণ্ড সংঘটিত হৈছে। ছচিয়েল মিডিয়াত এটা উদাহৰণৰ খবৰ বহু দেখা যায়। কেতিয়াবা তাৰকাসকল বিমান সংস্থাৰ দ্বাৰা অস্বস্তিত পৰিবলগীয়া হয়। কিন্তু এইবাৰ বিমানত যৌন নিৰ্যাতনৰ বলি হোৱাৰ অভিযোগ মালয়ালম অভিনেত্ৰী দিব্যা প্ৰভাৰ। বিমানখনত থকা সহযাত্ৰীয়ে তেওঁক যৌন নিৰ্যাতন চলোৱা বুলি অভিযোগ উত্থাপন কৰে অভিনেত্ৰীগৰাকীয়ে।
ইতিমধ্যে অভিনেত্ৰীগৰাকীয়ে আৰক্ষীৰ ওচৰত এজাহাৰ দাখিল কৰিছে। মালয়ালম অভিনেত্ৰীগৰাকীয়ে টুইটাৰত এটা পোষ্টত লিখিছে যে এয়াৰ ইণ্ডিয়াৰ বিমানত তেওঁক হাৰাশাস্তি কৰা হৈছিল। কেৰালা আৰক্ষীক তেওঁ এজাহাৰ দাখিল কৰে। মালয়ালম অভিনেত্ৰী দিব্যা প্ৰভাই ইনষ্টাগ্ৰামত নিজৰ ভয়ংকৰ অভিজ্ঞতা বৰ্ণনা কৰি এটা পোষ্ট শ্বেয়াৰ কৰে।
লগতে পঢ়কঃ বিহাৰত নৰ্থ-ইষ্ট এক্সপ্ৰেছ ৰে’ল দুৰ্ঘটনাত নিহত কমেও ৪জন; আহত শতাধিক, মুকলি হেল্পলাইন নম্বৰ
অভিনেত্ৰীগৰাকীয়ে ৯ অক্টোবৰত এয়াৰ ইণ্ডিয়াৰ বিমানেৰে মুম্বাইৰ পৰা কোচিলৈ যোৱা বুলি দাবী কৰে। তাতে কাষত বহি থকা সহযাত্ৰী এজনে তেওঁক বিভিন্ন ধৰণে হাৰাশাস্তি কৰিবলৈ ধৰে। তেওঁ নিজৰ ইনষ্টাগ্ৰাম পেজতো লিখিছে যে তেওঁৰ সতীৰ্থ যাত্ৰীজন মদ্যপান কৰি গোটেই বিমানখনত তেওঁক হাৰাশাস্তি কৰিছিল। ঘটনা সন্দৰ্ভত এয়াৰ হোষ্টেছক খবৰ দিয়াৰ পিছত তেওঁলোকে এই বিষয়ত মাত্ৰ এবাৰহে ব্যৱস্থা গ্ৰহণ কৰে। ব্যক্তিজনক আন এখন আসনলৈ বদলি কৰা হয়। কিন্তু আৰু আন কোনো ব্যৱস্থা লোৱা নহ’ল।
কোচি বিমানবন্দৰত অৱতৰণ কৰাৰ পিছত তেওঁ বিমানবন্দৰ আৰু বিমান কৰ্তৃপক্ষক এই ঘটনাৰ খবৰ দিয়ে। ইয়াৰ পিছতে বিমানবন্দৰ কৰ্তৃপক্ষই বিষয়টো আৰক্ষীক খবৰ দিবলৈ কয়। তেওঁ তেওঁৰ টিকটৰ লগতে আৰক্ষীক আনুষ্ঠানিক অভিযোগ দাখিল কৰে। লগতে যাত্ৰীসকলৰ সুৰক্ষা সম্পৰ্কে সজাগতা বৃদ্ধিৰ বাবে অনুৰোধ জনায়।
লগতে পঢ়কঃ অপ্ৰতিৰোধ্য হিটমেন! আন্তৰ্জতিক ক্ৰিকেটত আটাইতকৈ বেছি ছিক্সাৰ; বিশ্বকাপত সৰ্বাধিক শতক…
এই কাণ্ডৰ বিষয়ে তেওঁ অভিযোগত লিখিছে, “১২চিত বহি থকা এজন যাত্ৰীয়ে মদ্যপ অৱস্থাত মোৰ সৈতে আসন সলনি কৰি টুৱেলভ বি (টেলভ এ) লয় আৰু অকাৰণতে আসনৰ অৱস্থানক লৈ তৰ্ক আৰম্ভ কৰি মোক গালি-গালাজ কৰে”।
