জাতীয়তাবাদী কংগ্ৰেছ পাৰ্টিৰ জ্যেষ্ঠ নেতা অজিত পাৱাৰে দেওবাৰে একনাথ শিণ্ডে নেতৃত্বাধীন চৰকাৰত যোগদান কৰি মহাৰাষ্ট্ৰৰ উপ-মুখ্যমন্ত্ৰী হিচাপে শপত গ্ৰহণ কৰিবলৈ সাজু হৈছে।
২ জুলাইৰ সন্ধিয়া পাৱাৰে মুম্বাইস্থিত চৰকাৰী বাসগৃহত দলৰ একাংশ নেতা-বিধায়কৰ সৈতে বৈঠকত মিলিত হোৱাৰ পিছতে এই কথা ঘোষণা কৰে।
শেহতীয়াকৈ পাৱাৰে এল অ’ পি হিচাপে আগবাঢ়ি যাবলৈ আগ্ৰহী নহয় আৰু দলীয় সংগঠনত কাম কৰিব বিচৰা বুলি মন্তব্য কৰাৰ পিছতে এই বৈঠকে তাৎপৰ্য লাভ কৰে।
অজিত পাৱাৰৰ চৰকাৰী বাসগৃহ ‘দেৱগিৰি’ত অনুষ্ঠিত সভাত উপস্থিত থকা নেতাসকলৰ ভিতৰত এন চি পিৰ জ্যেষ্ঠ নেতা ছগন ভুজবল আৰু দলৰ কাৰ্যকৰী সভাপতি সুপ্ৰিয়া চুলেও আছিল। আনহাতে ৰাজ্যিক দলৰ সভাপতি জয়ন্ত পাটিল উপস্থিত নাছিল উক্ত বৈঠকত।
অজিত পাৱাৰৰ এই যোগদানে মহাৰাষ্ট্ৰৰ ৰাজনীতিত এক গুৰুত্বপূৰ্ণ প্ৰভাৱ পেলাব বুলি দাবী কৰিছে ৰাজনৈতিক মহলে।
লগতে পঢ়কঃ নৰ্থইষ্ট ডাইল’গ ফ’ৰামে গ্ৰহণ কৰিলে ‘ব্ৰহ্মপুত্ৰ ঘোষণা পত্ৰ’; কি আহ্বান ফ’ৰামৰ?
লগতে পঢ়কঃ আৰ্থিক চাপত পৰি বন্ধ হৈ গ’ল বিশ্বৰ আটাইতকৈ পুৰণি বাতৰি কাকতখন
লগতে পঢ়কঃ ভাৰতৰ মৌলিক ধাৰণাৰ বিৰোধী; বিজেপিৰ মিত্ৰদলৰেই ইউনিফৰ্ম চিভিল কোডৰ বিৰোধিতা
