সোমবাৰে অনুষ্ঠিত এক সংবাদমেলত অসম জাতীয় পৰিষদৰ সাধাৰণ সম্পাদক জগদীশ ভূঞাই এক সংবাদমেল সম্বোধন কৰি নাগালেণ্ডৰ ঘটনাক তীব্ৰ গৰিহণা দিয়ে ।
তেওঁ কয় “১৩জন নিৰীহক গুলীয়াই হত্যা কৰিছে সেনাই।উত্তৰ-পূৱত এনে ঘটনা সুদীৰ্ঘ কালৰ পৰা সংঘটিত হৈ আহিছে।
১৯৯৪ চনত তিনিচুকীয়াতো সেনাই এনে ঘটনা সংঘটিত কৰিছিল।
২০১৮ত আদালতে ৭জন সেনাক যাৱজ্জীৱন কাৰাদণ্ড বিহিছিল।সহস্ত্ৰ বাহিনী ক্ষমতা আইনৰ সুৰুঙা লৈ এনে ঘটনা ঘটি আহিছে।
“এয়া ব্ৰিটিছৰ শাসন নে ভাৰতীয় শাসন ব্যৱস্থা?” প্ৰশ্ন ভূঞাৰ।আনহাতে সহস্ত্ৰ বাহিনী বিশেষ ক্ষমতা আইন প্ৰত্যাহাৰৰ দাবী অসম জাতীয় পৰিষদৰ।
এই সন্দৰ্ভত কাইলৈ সমগ্ৰ জিলাতে প্ৰশাসনৰ জৰিয়তে ৰাষ্ট্ৰপতিলৈ স্মাৰক পত্ৰ প্ৰেৰণ সিদ্ধান্ত লৈছে অসম জাতীয় পৰিষদে।
স্মাৰকপত্ৰৰ জৰিয়তে সশস্ত্ৰ বাহিনী বিশেষ ক্ষমতা আইন বাতিলৰ দাবী জনাব AJPয়ে।
উত্তৰ-পূৱ সদায় অৱহেলিত, বঞ্চিত হৈ আহিছে।
সেয়ে সকলোকে একত্ৰিত হৈ দিল্লীৰ সিদ্ধান্তৰ বিৰুদ্ধে যুঁজ দিয়াৰ আহ্বান জনায় অসম জাতীয় পৰিষদৰ নেতাগৰাকীয়ে।
