মূল্যবৃদ্ধিয়ে এতিয়া দেশৰ বিভিন্ন ৰাজ্যৰ লগতে অসমকো কোঙা কৰি পেলাইছে।
এনে পৰিস্থিতৰি মাজতে আজি নৱ গঠিত ৰাজনৈতিক দল অসম জাতীয় পৰিষদে মূল্যবৃদ্ধিৰ প্ৰসংগত বিজেপি নেতৃত্বাধীন মিত্ৰজোঁটৰ চৰকাৰ খনক উভতি ধৰে।
দলটোৱে প্ৰকাশ কৰা এখন গোহাৰি পত্ৰত এই বুলি কোৱা হৈছে যে মূল্যবৃদ্ধি শব্দটো এতিয়া জনসাধাৰণৰ বাবে ভয় লগা শব্দ হৈ পৰিছে।অত্যাৱশ্যকীয় সামগ্ৰীৰ মূল্যবৃদ্ধিয়ে জনসাধাৰণৰ জীয়াই থকাৰ অধিকাৰত আঘাত হনা বুলি মন্তব্য কৰি দলটোৱে কৈছে যে কৃত্ৰিম মূল্যবৃদ্ধি ৰাজনৈতিক সন্ত্ৰাসৰ বাবে আন একো নহয়।
গোহাৰি পত্ৰখনত এজেপিয়ে চৰকাৰক উদ্দেশ্যি এই কেইটা প্ৰশ্ন কৰিছে—২০১৬ চনত মিঠাতেলৰ দাম প্ৰতি লিটাৰত ৯০ টকা আছিল, এতিয়া ১৬০ টকা কিয়?
২০১৬ চনত পিঁয়াজৰ প্ৰতি কিলোত দাম আছিল ২০ টকা, এতিয়া ৪০ টকা কিয়?প্ৰতিবিধ দাইলৰ মূল্য ৪০- ৫০ টকাকৈ বাঢ়িছে কিয়?চিমেণ্টকে ধৰি আন সামগ্ৰীৰ মূল্যবৃদ্ধিৰ প্ৰসংগতো এজেপিয়ে চৰকাৰক উভতি ধৰে।
পেট্ৰ’ল-ডিজেলৰ মূল্যবৃদ্ধিৰ ক্ষেত্ৰতো চৰকাৰে একো ব্যৱস্থা গ্ৰহণ কৰিব পৰা নাই বুলি এজেপিয়ে চৰকাৰক উভতি ধৰে।
দুৰ্নীতিৰ প্ৰসংগত শূন্য সহনশীল বুলি দাবী কৰি অহা বিজেপি চৰকাৰ খনে এতিয়া দুৰ্নীতি আৰু ছিণ্ডিকেটৰ পক্ষত সহনশীল হৈ পৰা বুলিও এজেপিয়ে মন্তব্য কৰিছে।
