দেশৰ ১১৫ মিলিয়নশিশু অপুষ্টিৰ আশংকাত ভুগি থকাৰ সময়তে সমাজে এক ভয়াবহ পৰিস্থিতিৰ উদয় হোৱাৰ কথা স্বীকাৰ কৰাৰ সময় এতিয়া আহি পৰিছে।
যিহেতু অক্ষয় পাত্ৰ ফাউণ্ডেশ্যনৰ দ্বাৰা পৰিচালিত বিশ্বৰ সৰ্ববৃহৎ স্কুল মধ্যাহ্ন ভোজন কাৰ্যসূচী কৰ’না ভাইৰাছ মহামাৰীৰ পৰিণতিত স্তব্ধ হৈ পৰিছে আৰু পৰিয়ালসমূহো দৰিদ্ৰতাৰ গ্ৰাসত পৰিছে, গতিকে সমাজৰ অভাৱগ্ৰস্ত শ্ৰেণীৰ শিশুসকল ভোক, অপুষ্টি আৰু অনাহাৰৰ সন্মুখীন হোৱাটো নিশ্চিত হৈ পৰিছে।
সেয়ে, মহামাৰীৰ সময়ছোৱাত শিশুৰ পেটৰ ক্ষুধা নিবাৰণৰ লক্ষ্যৰে ফাউণ্ডেশ্যনে হেপ্পীনেছ কিট মুকলি কৰিছে। ইয়াৰ জৰিয়তে সমাজৰ দূৰ্বল শ্ৰেণীৰ শিশু আৰু তেওঁলোকৰ পৰিয়ালক সহায় আগবঢ়োৱা হ’ব।
হেপ্পীনেছ কিটত সন্নিবিষ্ট হ’ব শিশুৰ স্বাস্থ্য, বৃদ্ধি আৰু বিকাশৰ বাবে প্ৰয়োজন হোৱা নিয়মীয়া আৰু অতি আৱশ্যক পুষ্টিৰে সমৃদ্ধ খাদ্য সামগ্ৰী। কীটত থকা দাইল, মছলা, চীনাবাদাম, গুড়, বিস্কুট আৰু অন্যান্য খাদ্য সামগ্ৰীয়ে শিশু আৰু তেওঁলোকৰ পৰিয়ালৰ পুষ্টি গ্ৰহণত সহায় কৰিব।
শিশুৰ মাজত স্বচ্ছতাক প্ৰসাৰিত কৰিবলৈ কীটত সন্নিবিষ্ট হ’ব চাবোন, দাত ঘঁহা ব্ৰাছ, দাত ঘঁহা মলম আৰু ছেনিটেৰী পেড আদিৰ দৰে সামগ্ৰী। শিশুৰ জ্ঞান সম্বন্ধীয় দক্ষতা বৃদ্ধিৰ বাবে নিজৰ নিজৰ ভাষাৰ ক্ৰিয়াকলাপ-ভিত্তিক লাৰ্ণিং ৱৰ্কবুকো কীটত অন্তৰ্ভুক্ত কৰা হৈছে।
এই কীটত অত্যাৱশ্যকীয় পুষ্টিকৰ উপকৰণ যেনে, গ্লুক’জ, আইৰণ আৰু কেলচিয়াম, আয়োডিন, প্ৰ’টিন থাকিব, যিয়ে শিশুৰ ৰোগ প্ৰতিৰোধ ক্ষমতা বৃদ্ধিত সহায় কৰিব। প্ৰত্যেকটো কীটত থাকিব ৭১৭.৫ গ্ৰাম প্ৰ’টিন আৰু ২২,১৭৫ কেল’ৰি এনাৰ্জি। একেদৰে, প্ৰতিগৰাকী শিশুৱে ২৩.৯ গ্ৰাম প্ৰ’টিন আৰু ৭৩৯ কেল’ৰি এনাৰ্জিলাভ কৰিব।
গুৱাহাটীত ৩৮,৬৬৬গৰাকী আৰু বাংগালুৰুত ১,২০০গৰাকী স্কুলীয়া শিশুক লক্ষ্য কৰি আৰম্ভ কৰা হেপ্পীনেছ কীট পাইলট প্ৰকল্পৰ পৰা উৎসাহজনক সঁহাৰি লাভৰ পাছত অক্ষয় পাত্ৰ ফাউণ্ডেশ্যনে দেশৰ ভিন্ন প্ৰান্তৰ মধ্যাহ্ন ভোজন উপভোক্তাৰ মাজত এই কাৰ্যসূচী বিস্তাৰিত কৰাৰ লক্ষ্য লয়। স্কুলৰ প্ৰাংগনত শিশুৰ অভিভাৱকৰ মাজত কীট বিতৰণ কৰা হয়।
হেপ্পীনেছ কীট সন্দৰ্ভত অক্ষয় পাত্ৰ ফাউণ্ডেচনৰ মুখ্য কাৰ্যবাহী বিষয়া শ্ৰীধৰ ভেংকটে কয়,“ভাৰতীয় হিচাপে আমি উন্নত মানৱ সম্পদ তৈয়াৰৰ ওপৰত গুৰুত্ব দিছো। এই ছেপ্টেম্বৰত আমি ৰাষ্ট্ৰীয় পুষ্টি মাহ পালন কৰিছো আৰু এনে ক্ষণত আমি হেপ্পীনেছ কীট মুকলি কৰিছো। ইয়াৰ জৰিয়তে আমি কোভিড-১৯ৰ বাবে স্কুল যাব নোৱাৰা শিশুৰ পুষ্টি আৰু শিক্ষাৰ অভাৱ দূৰ কৰাৰ প্ৰয়াস চলাইছো। ইয়াৰ বাবে আমি আমাৰ সমাজসেৱা দাতা Crompton Greaves Electricals Ltd, Franklin Templeton, India Carbon, CISCO, Amazon আৰু আন বহুতো কৰ্পোৰেট তথা ব্যক্তিগত দাতাক ধন্যবাদ জনাইছো। তেওঁলোকে আগুৱাই আহি আমাৰ সহযোগ কৰিলে।”
এতিয়ালৈকে বিতৰণ হোৱা কীটছৰ পৰিমাণ হল ১১,০০০। কীটছ বিতৰণৰ স্থানসমূহ হ’ল গুৱাহাটী, বাংগালুৰু, ভডোডৰা, ছিলভাছা, মুম্বাই, লক্ষ্ণৌ, হায়দৰাবাদ আৰু লক্ষ্ণৌ। অক্ষয় পাত্ৰ ফাউণ্ডেশ্যনে স্কুল পুনৰ মুকলি নোহোৱা পৰ্যন্ত ৰাজ্যিক-ভিত্তিত এইদৰে হেপ্পীনেছ কীট বিতৰণ কৰি থাকিব।
