অম্বুবাচী ২০২৫: গুৱাহাটী মহানগৰত ২২-২৫ জুন লৈ বিশেষ পৰিবহণ বিধি জাৰি
আগন্তুক অম্বুবাচী মেলাৰ উপলক্ষে গুৱাহাটীত জনসাধাৰণৰ সুৰক্ষা আৰু সঠিক যাতায়ত ব্যৱস্থাপনাৰ উদ্দেশ্যে গুৱাহাটী মহানগৰীৰ উপ-আয়ুক্তই (যাতায়ত) ২২ জুনৰ পৰা ২৫ জুনলৈ কিছু বিশেষ পৰিবহণ বিধি জাৰি কৰিছে।
মূল বিধিসমূহ:
- অনুজ্ঞা পত্ৰ নথকা ফেৰী কামাখ্যা মন্দিৰ অভিমুখে চলাচল কৰিব নোৱাৰিব।
- প্ৰতিদিনে সন্ধিয়া ৫ বজাৰ পৰা ১০ বজালৈ মন্দিৰলৈ ফেৰী চলাচল সম্পূৰ্ণ নিষিদ্ধ।
- পাণ্ডু বন্দৰ পথ কেৱল জৰুৰীকালীন বাহনৰ বাবে খোলা থাকিব (এম্বুলেন্স, অগ্নিনিৰ্বাপক ইঞ্জিন, স্কুল বাছ আদি)।
- তীৰ্থযাত্ৰীৰ ড্ৰপ-অফ পইণ্ট নিধাৰণ কৰা হৈছে:
▸ জালুকবাৰী দিশৰ পৰা অহা বাহনৰ বাবে – এন এফ ৰেলৱে মুখ্য কাৰ্যালয়ৰ গেট নং ৩
▸ ভৰলুমুখ দিশৰ পৰা অহা বাহনৰ বাবে – গেট নং ৪
বাছ চলাচল সংক্রান্ত:
- সকল বাছ (এ এস টি চি, চিটি বাছ) জালুকবাৰী–মাচখোৱা পথৰ নীলাচল উৰণীয়া সেতু ব্যৱহাৰ কৰিব লাগিব।
- চাৰ্ভিচ লেনত বাছ চলাচল নিষিদ্ধ।
- নীলাচল উৰণীয়া সেতুৰ মুখত যাত্ৰী নমাব নোৱাৰিব।
তীৰ্থযাত্ৰীৰ বাবে পাৰ্কিং এলেকা:
- আদাবাৰী বাছ ষ্টেণ্ড
- বৰিপাৰা ফিল্ড
- এ এস টি চি মাচখোৱা
- সোণাৰাম হাইস্কুল ফিল্ড
নীলাচল উৰণীয়া সেতুৰ তলৰ অঞ্চলটো সম্পূৰ্ণৰূপে ‘ন’ পাৰ্কিং জ’ন’ হিচাপে ঘোষণা কৰা হৈছে।
যিসমূহ পথত পাৰ্কিং নিষিদ্ধ:
- পাণ্ডু বন্দৰ পথ (আদাবাৰী তিনিআলিৰ পৰা পাণ্ডু বন্দৰলৈ)
- বৰবজাৰ পথ (মালিগাঁও চাৰিআলিৰ পৰা পাণ্ডু বন্দৰলৈ)
- ভৰলুমুখ লিফ্ট কৰিডৰ
- ডি জি ৰোড (শান্তিপুৰৰ পৰা নীলাচল উৰণীয়া সেতু)
- নীলাচল উৰণীয়া সেতু আৰু ইয়াৰ এপ্ৰ’চ ৰোডসমূহ
বাণিজ্যিক বাহন:
- ৰাতিপুৱা ৫ বজাৰ পৰা নিশা ১১ বজালৈ তলত উল্লিখিত পথসমূহত মালবাহী বাহনৰ চলাচল নিষিদ্ধ:
▸ ডি জি ৰোড
▸ এম জি ৰোড
▸ এ টি ৰোড (জালুকবাৰী ৰটাৰীৰ পৰা মাচখোৱালৈ)
▸ পাণ্ডু বন্দৰ পথ
▸ বৰবজাৰ পথ
বিমান যাত্ৰীৰ বাবে পৰামৰ্শ:
এল জি বি আই বিমানবন্দৰলৈ যাত্ৰীসকলক সময়মতে উপস্থিত হ’বলৈ ২৭ নং ৰাষ্ট্ৰীয় ঘাইপথ ব্যৱহাৰ কৰিবলৈ আহ্বান জনোৱা হৈছে।
গুৱাহাটী যান-বাহন আৰক্ষী আৰু জিলা প্ৰশাসনে নাগৰিক তথা তীৰ্থযাত্ৰীৰ পৰা এই বিধিনিষেধসমূহ সামাজিক সুৰক্ষা, যানজঁট হ্ৰাস আৰু জৰুৰীকালীন সেৱাৰ সুবিধাৰ বাবে কঠোৰভাৱে পালন কৰিবলৈ অনুৰোধ জনাইছে।