Man-Elephant conflict সঁজাল ধৰা ধান খেতিত জাক জাক বন্যহস্তীৰ বিচৰণ ৷ উদৰ পুৰাই খাইছে ইখনৰ পিছত সিখন ধাননি পথাৰৰ পকা ধানবোৰ৷ বাৰিষাৰ কঠোৰ শ্ৰমৰ অন্তত পকিবলৈ ধৰা খেতি ডৰাৰ এই অৱস্থা দেখি মূৰে কপালে হাত দিব লগা হৈছে কৃষক সকলে ৷
হাতী-মানুহৰ সংঘাতে তীব্ৰ ৰূপ ধাৰণ কৰা সময়তো নিৰৰ চৰকাৰ-প্ৰশাসন তথা বন বিভাগ৷ হাতী-মানুহৰ সংঘাত প্ৰশমিত কৰাৰ নাই কোনো আচঁনি চৰকাৰ অথবা বন বিভাগৰ ওচৰত।
এতিয়া গোৱালপাৰাৰ জিলাৰ দহিকটা, ধাইগাও, মোৱামৰীয়া , শিমলাবাৰী , গুৰীয়া আদি কৰি অৰ্ধ শতাধিক গাওঁৰ এক সুলভ দৃশ্য হৈ পৰিছে বন্যহস্তীৰ জাক৷ যেনিয়েই চায় তেনিয়েই জাক জাক হাতী৷
বিগত তিনিদিন ধৰি দহিকটা বনাঞ্চলত আছে বন্যহস্তীৰ এটা বৃহৎ জাক। পোহৰ হোৱাৰ লগে লগে ধাননি পথাৰত চলায় তাণ্ডৱ৷ প্ৰায় ২৫/৩০জনীয়া এটা হাতীৰ জাকে দিন দুপৰতে ধান খাই তহিলং কৰিছে কৃষকৰ পকিবলৈ আৰম্ভ কৰা ধান ৷
Also Read: Coronavirus Assam Update ৰাজ্যত নতুনকৈ কোভিডত কিমান আক্ৰান্ত হ’ল; ২৪ ঘন্টাত মৃত্যু কিমানজনৰ?
বনাঞ্চলৰ পৰা ওলাই আহি জনাঞ্চলত প্ৰৱেশ কৰা বৃহৎ বনৰীয়া হাতীৰ জাকটোৱে ৰাতিপুৱাই পথাৰত প্ৰবেশ কৰি এফালৰ পৰা খাই গচকি নষ্ট কৰিছে ধাননি পথাৰ ৷
হাতীৰ জাকে পথাৰত এনেদৰে ধান খোৱা দৃশ্য দেখি মূৰে-কঁপালে হাত দিছে খেতিয়ক ৷ ইফালে বন বিভাগে দিনতে গুলি ফুটাই হাতী খেদাৰ ব্যৰ্থ চেষ্টা চলাইছে যদিও একো সুফল লাভ কৰা নাই ৰাইজে ৷
আনহাতে, কৃষ্ণাই অঞ্চলত বিগত তিনিটা দিনত দুটাকৈ বন্যহস্তীৰ আক্ৰমণৰ ঘটনা ৷ এদিন পূৰ্বে বনৰীয়া হাতীৰ আক্ৰমণত এগৰাকী বৃদ্ধা নিহত হোৱাৰ এটা দিন পিচতে বন্যহস্তীৰ আক্ৰমণত পুনৰ প্ৰাণ গ’ল এজন লোকৰ ৷
Also Read: ৰাষ্ট্ৰীয় কুংফুত ২৮ টা পদক লাভেৰে শ্ৰেষ্ঠ দল হিচাবে পৰিগণিত অসমৰ দল
ধাইগাঁও মোৱামাৰীত এজাক হাতীয়ে মুক্ত বিচৰণ কৰি থকাৰ দৃশ্য চাবলৈ উক্ত ঠাইত ভিৰ কৰিছিল বহু লোকে ৷ তেনেতে জাকৰ পৰা ওলাই অহা এটা হাতীয়ে অতৰ্কিতে মানুহলৈ চোঁচা লয় আৰু এজন লোকক আক্ৰমণ কৰে ৷
হাতীৰ গচকত গুৰুতৰভাৱে আহত হোৱা ধাইগাঁও বিজয়পুৰৰ ইলথিৰা মাৰাক(থিৰা) নামৰ লোকজনক সংকটজনক অৱস্থাত চিকিৎসালয়লৈ নিয়াৰ পথতে শেষ নিশ্বাস ত্যাগ কৰে ৷ মৃত লোকজন ভাৰতীয় সেনাবাহিনীৰ অৱসৰপ্ৰাপ্ত জোৱান আছিল ৷
Also Read: NEET Result: ঘোষিত হ’ল চিকিৎসা প্ৰৱেশ পৰীক্ষা, NEET ৰ ফলাফল
উল্লেখ্য যে, ৰাতিপুৱাৰ পৰাই এজাক বনৰীয়া হাতীয়ে বৰঝাৰ বনাঞ্চলৰ সমীপৰ মোৱামাৰীত মুকলিভাৱে অৱস্থান কৰি আছিল ৷ সেই দৃশ্য চাবলৈ পুৱাৰ পৰাই বহু লোকে সমাবেত হৈছিল উক্ত ঠাইত ৷
তাৰ পিচতে মানুহলৈ লক্ষ্যকৰি খেদি অহা হাতীৰ আক্ৰমণত মৃত্যুক আকোঁৱালি লয় এইজন লোকে ৷
