Coronavirus Assam Update সোমবাৰৰ দিনটোত অসমত কোভিডত আক্ৰান্তৰ হাৰ পুনৰ ১ শতাংশৰ তললৈ নামিছে যদিও মৃত্যুৰ সংখ্যা বৃদ্ধি পাইছে।
এই দিনটোত ৰাজ্যত সৰ্বমুঠ ৪২,৪৬৪ টা কোভিড পৰীক্ষা সম্পন্ন কৰা হয় আৰু ইয়াৰে ২৯৬ গৰাকী ব্যক্তিৰ শৰীৰত কোভিড সংক্ৰমণ ধৰা পৰিছে।
দেওবাৰে ৰাজ্যখনত মুঠ কোভিড আক্ৰান্ত হৈছিল ২১২গৰাকী।
আনহাতে, সোমবাৰে কোভিড সংক্ৰমণৰ হাৰ হৈছে ০.৭০ শতাংশ।
কামৰূপ মেট্ৰ’ত এই দিনটোত কোভিডত আক্ৰান্ত লোকৰ সংখ্যা হৈছে ১১৬গৰাকী। দেওবাৰে এই সংখ্যা আছিল ৯৬গৰাকী।
২৪ ঘন্টাত ৰাজ্যত ৭ জন ব্যক্তিৰ কোভিড সংক্ৰমণৰ ফলত মৃত্যু হয়।
ৰাজ্যত কোভিডত ৰোগীৰ সুস্থতাৰ হাৰ হৈছে ৯৮.৪২ শতাংশ।
Summary of 01/11/2021
Today’s Total 296
Overall Positivity Percentage (296 cases out of 42,464 test done = 0.70%)
Kamrup(M) 116
Death 7
Recovery Rate 98.42%
— Himanta Biswa Sarma (@himantabiswa) November 1, 2021
কোভিড সংক্ৰমণৰ বাবে ৰাজ্যৰ কেইবাখনো বিদ্যালয়ত কন্টেইনমেন্ট জ’ন ঘোষণা কৰাৰ লগতে আন কেইবাটাও স্থানতো কন্টেইনমেন্ট জ’ন ঘোষণা কৰা হৈছে।
ইপিনে, মুখ্যমন্ত্ৰী হিমন্ত বিশ্ব শৰ্মাই ইতিমধ্যে অসমত পুনৰ লকডাউনৰ সম্ভাৱনা একপ্ৰকাৰ নুই কৰি আহিছে।
ৰাজ্য চৰকাৰে শেহতীয়াকৈ ঘোষণা কৰা কোভিড SOP অনুসৰি নিশা ১০ বজালৈ খোলা ৰাখিব পৰা যাব দোকান-পোহাৰ।
নিশা ১১ বজাৰ পৰা পুৱা ৫ বজালৈ সান্ধ্য আইনৰ সময় ৰাজ্য চৰকাৰে নিৰ্ধাৰণ কৰিছে।
শেহতীয়াকৈ অসম আৰু পশ্চিমবংগত কোভিডৰ সংক্ৰমণ বৃদ্ধিক লৈ উদ্বিগ্নতা প্ৰকাশ কৰি কেন্দ্ৰই পত্ৰযোগে ৰাজ্য দুখনক সতৰ্ক কৰিও দিছে।