• About
  • Copyright
  • Privacy Policy
  • Authors
  • Grievance Redressal
  • Contact
Tuesday, September 2, 2025
NORTHEAST NOW (Assamese)
  • মুখ্যপৃষ্ঠা
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • যুৱ-কণ্ঠ
  • শিক্ষা
  • জীৱনশৈলী
    • দিহা-ভৰসা
  • প্ৰাসংগিক প্ৰশ্ন
  • স্বাস্থ্য
  • ফেচবুক কৰ্ণাৰ
  • অন্যান্য
    • ভাষা-সাহিত্য
    • সংস্কৃতি
    • মনোৰঞ্জন
    • প্ৰযুক্তি
No Result
View All Result
  • মুখ্যপৃষ্ঠা
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • যুৱ-কণ্ঠ
  • শিক্ষা
  • জীৱনশৈলী
    • দিহা-ভৰসা
  • প্ৰাসংগিক প্ৰশ্ন
  • স্বাস্থ্য
  • ফেচবুক কৰ্ণাৰ
  • অন্যান্য
    • ভাষা-সাহিত্য
    • সংস্কৃতি
    • মনোৰঞ্জন
    • প্ৰযুক্তি
No Result
View All Result
NORTHEAST NOW (Assamese)
No Result
View All Result
Home উত্তৰ-পূব অসম

কটনৰ মাটি বিক্ৰী কৰা মানে অসমৰ সকলোৰে আত্ম-সন্মান বিক্ৰী কৰা!

পৰেশ মালাকাৰ by পৰেশ মালাকাৰ
May 15, 2024 9:20 pm
1
VIEWS
Share on FacebookShare on WhatsAppShare on Twitter

মই কটন কলেজত পঢ়িছিলোঁ। কটন কলেজক বিশ্ববিদ্যালয় কৰা হৈছে যদিও মোৰ বাবে কটন এতিয়াও কটন কলেজ। কটন কলেজৰ হোষ্টেল বোৰৰ নাম সলনি কৰা হৈছে। সেই নামবোৰ মনত ৰাখিবলৈ আমি টান পাওঁ। এতিয়াও আগৰ নামবোৰেৰেহে আমি কটন হোষ্টেলবোৰক চিনি পাওঁ। তেতিয়া ১৯৭৭ চন। অসম আন্দোলন আৰম্ভ হোৱা নাই। প্ৰথম বছৰ, বাহিৰত থাকি মই কটনত পঢ়িছিলোঁ আৰু দ্বিতীয় বছৰ নিউ হোষ্টেলৰ বাসিন্দা হৈ কটনত পঢ়িছিলোঁ ১৯৭৮ চনত। হোষ্টেলত নথকাকৈ বা হোষ্টেলৰ লগত সম্পৰ্ক নৰখাকৈ কটনক বুজা নাযায়।সম্পূৰ্ণকৈ উপলব্ধি কৰিব নোৱাৰি।হোষ্টেললৈ অহাৰ পিছত বুজিছিলোঁ, অনুভৱ কৰিছিলোঁ যে সেই সময়ত কটনত এটা মেট্ৰপলিটান মানে মহানাগৰিক শৈক্ষিক আৰু সাংস্কৃতিক পৰিমণ্ডল গঢ় লৈ উঠিছিল।সেইটো আছিল কটনলৈ অহা বাহিৰৰ বতাহ। তাৰ ভিতৰৰ বতাহত আছিল অসমখন। কটন আছিল এখন জীয়া অসম। অসমৰ এনে এখন ঠাই নাছিল য’ৰ পৰা এগৰাকী নহয় এগৰাকী ছাত্ৰ বা ছাত্ৰী কটনত নাছিল।গতিকে কটনত আমি বিশ্বক, ভাৰতক আৰু অসমক একেলগে পাইছিলোঁ। ই আমাৰ দৃষ্টি প্ৰসাৰিত কৰিছিল। ই আমাক কুপমণ্ডুকতাৰ পৰা বাহিৰলৈ আনিছিল।আৰু কটনৰ যে বয়স হৈছিল, সেই বয়সে তাত এটা ঐতিহ্য আৰু কিবা এটা পৈণতা আনি দিছিল। তাত এটা পৰম্পৰাৰ জন্ম হৈছিল। সময়ত সি এটা জীৱন্ত পৰম্পৰালৈ ৰূপান্তৰিত হৈছিল।অসমলৈ যি কোনো বিষয়ৰ পণ্ডিত বা বিশেষজ্ঞ এজন আহিলে তেওঁ প্ৰথমে পদাৰ্পণ কৰিছিল কটনত। মোৰ এতিয়াও মনত আছে, এসময়ৰ পশ্চিম বংগৰ অৰ্থ মন্ত্ৰী, প্ৰখ্যাত অৰ্থনীতিবিদ অশোক মিত্ৰই কটন ইউনিয়ন হলত কটনৰ অৰ্থনীতি বিভাগৰ উদ্যোগত আয়োজন কৰা সভা এখনত কেন্দ্ৰ-ৰাজ্য সম্পৰ্কৰ বিষয়ে বক্তৃতা দিয়াৰ কথা। কিন্তু অসম আন্দোলনে কটনৰ এই জীৱন্ত পৰম্পৰাটো ভাঙি দিলে।

সৌসিদিনালৈকে উচ্চ শিক্ষাৰ ক্ষেত্ৰত কটন আছিল অসমৰ চকুৰ মণি।কটনক এসময়ত বিশ্ববিদ্যালয় কৰা হ’ল।এতিয়া কটন এখন কলেজ নে বিশ্ববিদ্যালয়? নে দুভছীয়া কিবা এটা? লাহে লাহে কটনত চৰকাৰী হস্তক্ষেপ বাঢ়িবলৈ ল’লে। চৰকাৰী হস্তক্ষেপে যোৱা সময়ছোৱাত কটনৰ বহু ক্ষতি কৰিলে।এতিয়া পৰিস্থিতি বিষম।এতিয়া তেওঁলোকে কটনৰ অৰ্থনৈতিক সমস্যাৰ জোৰা মাৰিবলৈ কটনৰ মাটি বণিয়াক লিজত দিবলৈ ওলাইছে। লিজ মানে বিক্ৰী, সস্তাত বিক্ৰী।কটনৰ মাটি ক’ত আছে? কটনৰ দেখোন মাটিয়ে নাই।এসময়ৰ ৰাজ্যৰ উচ্চ শিক্ষাৰ প্ৰাণ কেন্দ্ৰ কটনৰ যিমান মাটি থাকিব লাগিছিল সিমান মাটি আছেনে? কটনৰ খেলপথাৰ আছিল পল্টন বজাৰৰ ওচৰত থকা নিউ ফিল্ড।সময়ত কোনে কি বদমাচি কৰি নিউ ফিল্ডখন কটনৰ পৰা লৈ গ’ল? কটন নীৰৱ হৈ থাকিল। কটন মানে কটনৰ ছাত্ৰ সমাজ, শিক্ষক সমাজ আৰু কটনৰ লগত প্ৰত্যক্ষ, পৰোক্ষভাবে জড়িত সকলো।কটনৰ পইছাৰ সমস্যা? মাজতে উচ্চ শিক্ষা মিচন ওলাল। কলেজবোৰক পইছা দিলে।ধুনীয়া অট্টালিকা, ধুনীয়া পদূলি, ধুনীয়া সভাগৃহ। ভাল কথা। কিন্তু এতিয়া কিয় পইছা নোহোৱা হ’ল? এতিয়া চাৰিওফালে ৰেৱাজ উঠিছে উচ্চ শিক্ষাৰ অনুষ্ঠান সমূহে বোলে নিজেই নিজৰ খৰচ উলিয়াব লাগিব। চৰকাৰ এখনৰ মতলব কি? চৰকাৰৰ দুটা প্ৰধান কাম শিক্ষা আৰু স্বাস্থ্য নহয় জানো? শিক্ষাৰ অৰ্থই হৈছে ব্যক্তিৰ সৱলীকৰণ।সেই কাৰণেই স্বাধীনতা আন্দোলনৰ সময়তে বিনামূলীয়া আৰু বাধ্যতামূলক শিক্ষাৰ কথা কোৱা হৈছিল। সেই অধিকাৰ কাৰ্যকৰী কৰিবলৈ আইন কৰা হৈছে এতিয়া, সৌসিদিনা ২০০৯ চনত। উচ্চ শিক্ষাৰ অনুষ্ঠানবোৰক নিজে নিজৰ খৰচ উলিওৱাৰ কথা কোৱাৰ অৰ্থ হ’ল আওপকীয়াকৈ শিক্ষাৰ ব্যক্তিগতকৰণ কৰা। সকলো অদৰকাৰী খৰচ কৰি ভোট কিনি চৰকাৰত থাকিবলৈ চৰকাৰৰ পইছা আছে। কিন্তু কটনৰ দৰে অসমৰ উচ্চ শিক্ষাৰ প্ৰাণ কেন্দ্ৰ এটা জীয়াই ৰাখিবলৈ চৰকাৰৰ পইছা নাই।কটনৰ লগত কেৱল অসমৰ উচ্চ শিক্ষাৰ ইতিহাস সাঙোৰ খাই আছে তেনে নহয়।কটনৰ লগত অসমৰ সাহিত্য, সংস্কৃতি, ৰাজনীতি আৰু বৌদ্ধিক ইতিহাস জড়িত হৈ আছে।সেই কটন চলিবলৈ এতিয়া পইছা নাই। নিজৰ মাটি বিক্ৰী কৰি কটন চলিব লগা অৱস্থাৰ সৃষ্টি হ’ল। কটনৰ মাটি বিক্ৰী কৰিবলৈ লোৱা কথাটো অসমৰ কাৰণে এক চৰম অপমান। কটন কেৱল কটনৰ নহয়, সমগ্ৰ অসমৰ।কটনৰ মাটি বিক্ৰী কৰাটো আমাৰ অসমৰ সকলোৰে আত্ম-সন্মান বিক্ৰী কৰা।আমি সকলোৱে ইয়াৰ বিৰোধিতা কৰিব লাগিব। ই বন্ধ হ’ব লাগিব।ইয়াক যি কোনো প্ৰকাৰে বন্ধ কৰিব লাগিব।

 

বি:দ্ৰ: প্ৰতিবেদন সম্পাদনা কৰা সময়লৈকে এই জাননী প্ৰত্যাহাৰ কৰা নাছিল বিশ্ববিদ্যালয় কতৃপক্ষই! অৱশেষত বিভিন্ন মহলত হোৱা প্ৰতিক্ৰিয়াৰ পাছতে এই জাননী প্ৰত্যাহাৰ কৰিবলৈ বাধ্য হয় বিশ্ববিদ্যালয় কতৃপক্ষ!

পৰেশ মালাকাৰ

পৰেশ মালাকাৰ

গুৱাহাটীস্থিত এজন লেখক

Stay Connected

  • 117k Fans

Recent News

ওমৰ খালিদ, শ্বাৰ্জিল ইমামৰ জামিন আবেদন নাকচৰ পিছতেই ক্ষোভ অভিনেতা প্ৰকাশ ৰাজৰ

ওমৰ খালিদ, শ্বাৰ্জিল ইমামৰ জামিন আবেদন নাকচৰ পিছতেই ক্ষোভ অভিনেতা প্ৰকাশ ৰাজৰ

September 2, 2025 10:28 pm
বিটিচি নিৰ্বাচন : বিজেপিয়ে ঘোষণা কৰিলে প্ৰাৰ্থীৰ দ্বিতীয়খন তালিকা

বিটিচি নিৰ্বাচন : বিজেপিয়ে ঘোষণা কৰিলে প্ৰাৰ্থীৰ দ্বিতীয়খন তালিকা

September 2, 2025 9:40 pm
SIR-ৰ ৮৯ লাখ অভিযোগ আওকাণ নিৰ্বাচন আয়োগৰ! সমগ্ৰ প্ৰক্ৰিয়া পুনৰ কৰাৰ দাবী কংগ্ৰেছৰ

SIR-ৰ ৮৯ লাখ অভিযোগ আওকাণ নিৰ্বাচন আয়োগৰ! সমগ্ৰ প্ৰক্ৰিয়া পুনৰ কৰাৰ দাবী কংগ্ৰেছৰ

September 2, 2025 9:00 pm
কেৱল উত্তৰ প্ৰদেশতে ভোটাৰ তালিকাত ১ কোটি সন্দেহজনক ভোটাৰ! নিৰ্বাচন আয়োগৰ নিজা তদন্তত চাঞ্চল্যকৰ তথ্য

কেৱল উত্তৰ প্ৰদেশতে ভোটাৰ তালিকাত ১ কোটি সন্দেহজনক ভোটাৰ! নিৰ্বাচন আয়োগৰ নিজা তদন্তত চাঞ্চল্যকৰ তথ্য

September 2, 2025 8:10 pm

Get the latest Assamese news from Assam and NorthEast India. নৰ্থ-ইষ্ট নাও এটা মাল্টি-এপ ভিত্তিক সম্পূৰ্ণভাৱে আঞ্চলিক, দ্বিভাষিক নিউজ প’ৰ্টেল। পেচাদাৰী ব্যক্তিৰ এটা গোটৰ নেতৃত্বত এই ডিজিটেল অসমীয়া বাতৰি প্ৰতিষ্ঠানটোৱে উত্তৰ-পূবৰ আঠখন ৰাজ্য আৰু এইবোৰৰ প্ৰতিৱেশী দেশকেইখনৰ প্ৰতিটো খা-খবৰ সামৰি লোৱাৰ চেষ্টা কৰিব। দুটাকৈ ইংৰাজী এপ আৰু এটা অসমীয়া এপৰ সংস্কৰণ থকা এইটোৱে হ’ল এই ধৰণৰ প্ৰথমটো নিউজ প’ৰ্টেল। আমি ৰাজনৈতিকভাৱে নিৰপেক্ষ আৰু দক্ষিণ-পূব আৰু দক্ষিণ এছিয়াৰ মাজৰ প্ৰকৃত বা-বাতৰিৰ সাঁকোৰ ভূমিকা ল’বলৈ চেষ্টা কৰিম।

Follow Us

Our Properties

  • ⚪ NORTHEAST NOW
  • ⚪ NORTHEAST JOBS
  • ⚪ NORTHEAST TENDERS

Recent News

ওমৰ খালিদ, শ্বাৰ্জিল ইমামৰ জামিন আবেদন নাকচৰ পিছতেই ক্ষোভ অভিনেতা প্ৰকাশ ৰাজৰ

ওমৰ খালিদ, শ্বাৰ্জিল ইমামৰ জামিন আবেদন নাকচৰ পিছতেই ক্ষোভ অভিনেতা প্ৰকাশ ৰাজৰ

September 2, 2025 10:28 pm
বিটিচি নিৰ্বাচন : বিজেপিয়ে ঘোষণা কৰিলে প্ৰাৰ্থীৰ দ্বিতীয়খন তালিকা

বিটিচি নিৰ্বাচন : বিজেপিয়ে ঘোষণা কৰিলে প্ৰাৰ্থীৰ দ্বিতীয়খন তালিকা

September 2, 2025 9:40 pm
  • About
  • Copyright
  • Privacy Policy
  • Authors
  • Grievance Redressal
  • Contact

© 2025 - Maintained by EZEN Software & Technology Pvt. Ltd

No Result
View All Result
  • মুখ্যপৃষ্ঠা
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • প্ৰতিৱেশী
  • অভিমত
  • ক্ৰীড়া
  • বাণিজ্য
  • যুৱ-কণ্ঠ
  • শিক্ষা
  • জীৱনশৈলী
    • দিহা-ভৰসা
  • প্ৰাসংগিক প্ৰশ্ন
  • স্বাস্থ্য
  • ফেচবুক কৰ্ণাৰ
  • অন্যান্য
    • ভাষা-সাহিত্য
    • সংস্কৃতি
    • মনোৰঞ্জন
    • প্ৰযুক্তি

© 2025 - Maintained by EZEN Software & Technology Pvt. Ltd