ইংলেণ্ডৰ দুৰ্দিনতে ইতিহাস ৰচিলে এণ্ডাৰছনে; টেষ্টত প্ৰথমজন পেচাৰ হিচাপে দখল ৭০০ উইকেট
জেমছ এণ্ডাৰছনে ৭০০ টেষ্ট উইকেট দখল কৰা বিশ্বৰ প্ৰথমজন পেচাৰ হিচাপে পৰিগণিত হয়। ইংৰাজ পেচাৰগৰাকীয়ে ধৰ্মশালাত কুলদীপ যাদৱক আউট কৰি ইতিহাসৰ সৃষ্টি কৰে।
প্ৰসংগক্ৰমে ক’বলৈ গ’লে এণ্ডাৰছন হৈছে টেষ্ট ক্ৰিকেটৰ ইতিহাসত ৭০০ উইকেটৰ মাইলৰ খুঁটিত উপনীত হোৱা তৃতীয়জন বলাৰ।
এইক্ষেত্ৰত ৮০০ উইকেটৰে শীৰ্ষত আছে শ্ৰীলংকাৰ মুথিয়া মুৰুলীথৰণ। আৰু শ্বেন ৱাৰ্নে ৭০৮টা উইকেট দখল কৰি দ্বিতীয় স্থানত আছে। কিন্তু এই দুয়োজনেই আছিল স্পিনাৰ।
লগতে পঢ়কঃ মহাকাশৰ গভীৰতাত উত্তপ্ত পানীৰ মহাসাগৰ! বিজ্ঞানীৰ আৱিস্কাৰক লৈ কৌতুহল, চলিছে চৰ্চা
এই তালিকাত তৃতীয় স্থানত নাম লিখিলে এণ্ডাৰছন। উল্লেখ্য যে এণ্ডাৰছনৰ পিছত টেষ্টত পেচাৰ হিচাপে সৰ্বাধিক উইকেট দখল কৰা খেলুৱৈজন হৈছে এসময়ত তেওঁৰে সতীৰ্থ ষ্টুয়াৰ্ট ব্ৰড। তেওঁৰ দখলত আছে ৬০৪টা উইকেট।
We are so lucky to be witnessing utter greatness 🙏
An unfathomable achievement built of unrivalled skill, longevity and absolute dedication 🦁
Congratulations, @jimmy9 👏 pic.twitter.com/fFuDPCoaap
— England Cricket (@englandcricket) March 9, 2024
ইফালে, ধৰ্মশালাত ভাৰতে ইংলেণ্ডৰ বিৰুদ্ধে এক ইনিংছ আৰু ৬৪ ৰাণৰ ব্যৱধানত জয়লাভ কৰিছে।