এ পি এছ চিত সফলতা লাভেৰে মাজুলীলৈ গৌৰৱ কঢ়িয়াই আনিলে তিনি যুৱকে
শুকুৰবাৰ অৰ্থাৎ ১৬ নৱেম্বৰত ঘোষিত অসম লোকসেৱা আয়োগৰ পৰীক্ষাৰ ফলাফলত মাজুলীৰ তিনিজন যুৱকে সফলতা লাভ কৰি মাজুলীলৈ গৌৰৱ কঢ়িয়াই আনিবলৈ সক্ষম হৈছে।
সফলতা লাভ কৰি মাজুলীলৈ গৌৰৱ কঢ়িয়াই আনিবলৈ সক্ষম হোৱা তিনিগজন যুৱক ক্ৰমে কঢ়ালগাৱৰ অনুপজ্যোতি বৰাই অসম আৰক্ষী সেৱাত, জেংৰাইমুখৰ সীদ্ধাৰ্থ দলে সমবায় সমিতি সমূহৰ সহকাৰী পঞ্জীয়ক আৰু মলয়া চাপৰিৰ প্ৰসন্ন টায়ুঙে শ্ৰম পৰিদৰ্শক হিচাপে নিযুক্তি লাভ কৰিছে।
উল্লেখযোগ্য যে মাজুলীৰ অতিকে প্ৰত্যন্তৰ মলয়া চাপৰিৰ বাসিন্দাই বৰ্তমানো দেখা পোৱা নাই বিদ্যুতৰ পোহৰ।
ফলত বাট-পথৰ দুৰৱস্থা, বিদ্যুতৰ পোহৰ নপৰা এনে এটা দুৰ্গম অঞ্চলৰ পৰা প্ৰসন্ন টায়ুঙে দেখুওৱা সফলতাই সকলোৰে দৃষ্টি আকৰ্ষণ কৰিছে।
আনহাতে তিনিওযুৱকৰ এই কীৰ্তিত গৌৰৱাম্বিত সমগ্ৰ মাজুলীবাসী। তাৰোপৰি সমগ্ৰ মাজুলীবাসীৰ লগতে মাজুলীৰ সকলো দল-সংগঠনে তিনি যুৱককে অসম লোকসেৱা আয়োগৰ পৰীক্ষাত সফলতা অৰ্জন কৰি মাজুলীলৈ গৌৰৱ কঢ়িয়াই আনিবলৈ সক্ষম হোৱাত শুভেচ্ছে জ্ঞাপন কৰিছে।