কাশ্মীৰত পাক সেনাৰ গুলীত নিহত ভাৰতীয় জোৱান
লাডাখত চীন-ভাৰতৰ সেনাৰ মাজত উত্তেজনা অব্যাহত থকাৰ সময়তে শুকুৰবাৰে কাহিলী পুৱাতে পাক সেনাৰ আক্ৰমণত নিহত হয় ভাৰতীয় সেনাৰ এজন জোৱান।
প্ৰাথমিক তথ্য অনুসৰি পুৱা পাকিস্তানৰ সেনাই যুদ্ধ বিৰতি উলংঘা কৰি কাশ্মীৰৰ ৰাজৌৰী জিলাৰ নাওচেৰা অঞ্চলত ধাৰাসাৰ গুলী বৰ্ষণ কৰিবলৈ ধৰে।
পাক সেনাৰ এনে আক্ৰমণৰ প্ৰত্যুত্তৰত ভাৰতীয় সেনায়ো গুলী বৰ্ষণ কৰে।
দুয়ো পক্ষৰ মাজত প্ৰায় এঘন্টা ধৰি সংঘৰ্ষ চলি থাকে। এই সংঘৰ্ষত পাক সেনাই নিক্ষেপ কৰা গুলীত এজন ভাৰতীয় সেনাৰ জোৱান শ্বহীদ হয়।
নিহত জোৱান জনৰ নাম এতিয়ালৈকে সেনাই প্ৰকাশ কৰা নাই।
উল্লেখ্য চলিত বৰ্ষত পাক সেনাই ২০০০ বাৰ যুদ্ধ বিৰতি চুক্তি ভংগ কৰিছে।