কৰ’নাত আক্ৰান্ত মন্ত্ৰী অতুল বৰা; টুইটাৰ যোগে নিজেই জনালে এই খৱৰ
ৰাজ্যখনৰ কৃষি মন্ত্ৰী অতুল বৰাৰ দেহত কোভিড-১৯ পজিটিভ ধৰা পৰিছে।
দেওবাৰে টুইটাৰ যোগে নিজেই সদৰী কৰিলে এই কথা।
মন্ত্ৰী বৰাই তেওঁৰ টুইটত লিখিছে, ‘’সামান্য লক্ষণসমূহৰ সৈতে মোৰ কোভিড-১৯ পজিটিভ ধৰা পৰিছে। মই মোৰ সংস্পৰ্শত অহা সকলোকে সোনকালে পৰীক্ষা কৰাৰ বাবে অনুৰোধ জনালোঁ।‘’
উল্লেখ্য যে যোৱা ৫ আগষ্টত মন্ত্ৰী অতুল বৰা অসম-মিজোৰাম সীমা সমস্যাকলৈ মিজোৰামৰ ৰাজধানী আইজললৈ গৈছিল।
আইজল ক্লাবত অনুষ্ঠিত এক বৈঠকত মন্ত্ৰী অতুল বৰাৰ সৈতে উপস্থিত আছিল ৰাজ্যখনৰ আন এগৰাকী মন্ত্ৰী অশোক সিংঘাল।
I have tested positive for COVID-19 with mild symptoms.
I request all those who have come in contact with me to get themselves tested at the earliest.
— Atul Bora (@ATULBORA2) August 8, 2021
উক্ত বৈঠকত মিজোৰামৰ হৈ অংশ লৈছিল ৰাজ্য খনৰ গৃহ মন্ত্ৰী লালচামলিয়ানাই।
আনহাতে, ৭ আগষ্টতো মুখ্য মন্ত্ৰী ড০ হিমন্ত বিশ্ব শৰ্মাৰ উপস্থিতিত কৃষি বিভাগৰ কাৰ্যসূচীত মন্ত্ৰীগৰাকীক দেখা গৈছিল।
পৰৱৰ্তীসময়ত কৃষি বিভাগৰ বিষয়াসকলৰ সৈতেও তেওঁ এক পৰ্যালোচনা বৈঠকত মিলিত হৈছিল।