ভাৰাতীয়া আইন প্ৰণয়ন কৰা দেশৰ ভিতৰত প্ৰথম ৰাজ্য ৰূপে চিহ্নিত হ’ল অসম
অসম বিধানসভাৰ বাজেট অধিৱেশনৰ অন্তিম দিনা শুকুৰবাৰে নতুন ভাৰাতীয়া বিধেয়ক গৃহীত হয়। এইদৰে ভাৰাতীয়া আইন ২০২১ৰ অধীনত ভাৰাতীয়া আইন প্ৰণয়ন কৰা ভাৰতৰ ৰাজ্যসমূহৰ ভিতৰত অসম প্ৰথমখন ৰাজ্য ৰূপে চিহ্নিত হ’ল।
বিধেয়কখনৰ পৰা ভাৰাতীয়া-মালিক উভয়পক্ষই উপকৃত হ’ব বুলি দাবী কৰিছে চৰকাৰে। ৰাজ্যপালৰ অনুমোদনৰ পাছতে আইনত পৰিণত হ’ব বিধেয়কখন।
অসমৰ নগৰ অঞ্চলৰ ভাড়া নিয়ন্ত্ৰণ আইন ১৯৭২ বাতিল কৰি অসম ভাৰাতীয়া আইন ২০২১ নামৰ নতুন আইনখনে অনা হৈছে।
বিধানসভাত নগৰ উন্নয়ন মন্ত্ৰী অশোক সিংঘলৰ হৈ সংসদীয় পৰিক্ৰমা মন্ত্ৰী পীযূষ হাজৰিকাই এই বিধেয়কখন উত্থাপন কৰিছিল।
এই নতুন আইনৰ দ্বাৰা ঘৰভাৰা দিয়া পদ্ধতি তথা প্ৰক্ৰিয়া সহজ হ’ব। এই আইনৰ দ্বাৰা মালিক আৰু ভাৰাতীয়া দুয়োপক্ষৰ সমস্যা আঁতৰিব।
আইনখনত আৱাসিক, ব্যৱসায়িক সকলো ধৰণৰ ভাৰা সংক্ৰান্তীয় বিষয় অন্তৰ্ভুক্ত হ’ব।
এই আইনখনে ভাড়া নিয়ন্ত্ৰণ কৰিবলৈ তথা ঘৰৰ মালিক আৰু ভাৰাতীয়াসকলৰ স্বাৰ্থ সুৰক্ষিত কৰিবলৈ এটা ভাড়া নিয়ামক কৰ্তৃপক্ষ স্থাপন কৰিব।
Under the leadership of HCM @himantabiswa, Assam becomes India’s first State to enact Assam Tenancy Act 2021.
The Assam Tenancy Act 2021 aims to protect the rights of Landlords & Tenants and will establish a regulatory authority for providing a speedy resolution of disputes. pic.twitter.com/7a00MJbadb
— Ashok Singhal (@TheAshokSinghal) August 13, 2021
আইনখনে চৌহদৰ তত্ত্বাৱধান আৰু ৰক্ষণাবেক্ষণ সম্পৰ্কে ঘৰৰ মালিক আৰু ভাৰাতীয়াসকলৰ কৰ্তব্য আৰু দায়বদ্ধতাৰ চৰ্তাৱলী নিৰ্ধাৰণ কৰিব।
আনহাতে, ধৰ্মীয় বা দাতব্য সংগঠন, ৱাকফ কৰ্তৃপক্ষ আৰু চৰকাৰৰ মালিকানাধীন বা পৰিচালিত সম্পত্তিৰ ক্ষেত্ৰত এই আইনখন প্ৰযোজ্য নহ’ব।