অসমৰ মুখ্যমন্ত্ৰী হিমন্ত বিশ্ব শৰ্মাই ঘোষণা কৰে যে ১৩ জুনৰ পৰা চলি থকা ধুবুৰী জিলাত নিশাৰ ভাগত গুলীচালনাৰ নিৰ্দেশ অহা ২৮ ছেপ্টেম্বৰৰ পৰা ২ অক্টোবৰলৈ নিৰ্ধাৰিত দুৰ্গা পূজা উৎসৱলৈকে অব্যাহত থকিব। কোকৰাঝাৰত এক অনুষ্ঠানত ভাষণ প্ৰদান কৰি শৰ্মাই কয় যে সীমান্ত জিলাত শান্তি অক্ষুণ্ণ ৰখাৰ লক্ষ্যৰে এই ব্যৱস্থা যদিও বৰ্তমান কোনো অশান্তি বা হিংসাত্মক পৰিস্থিতিৰ বাতৰি পোৱা নাযায়। ‘ধুবুৰীত সম্প্ৰীতি বিঘ্নিত কৰিবলৈ যিকোনো ব্যক্তিয়ে কঠোৰ ব্যৱস্থাৰ সন্মুখীন হ’ব লাগিব বুলি তেওঁ সকীয়াই দিয়ে।
উল্লেখ্য যে ঈদৰ এদিন পিছতে ধুবুৰীৰ হনুমান মন্দিৰৰ ওচৰত গৰুৰ মূৰ উদ্ধাৰ হোৱাৰ পিছতে যোৱা ৮ জুনত সাম্প্ৰদায়িক উত্তেজনা জ্বলি উঠাৰ পিছতে এই নিৰ্দেশ প্ৰৱৰ্তন কৰা হয়। শৰ্মাই উল্লেখ কৰে যে শান্তি আলোচনাই প্ৰথম অৱস্থাত সমস্যাটো সমাধান কৰিলেও পিছদিনা আন এটা জন্তুৰ মূৰ পোৱাৰ পিছত পথ অৱৰোধ, আৰু বাসিন্দাসকলে টায়াৰ জ্বলাই প্ৰতিবাদ সব্যস্ত কৰিছিল।
আৰু দুদিনৰ ভিতৰতে পৰিস্থিতি সুস্থিৰ হৈ পৰে আৰু হিংসাৰ সৈতে জড়িত ১৫০ জনতকৈ অধিক ব্যক্তিক গ্ৰেপ্তাৰ কৰা হয়।
