অসমৰ মুখ্যমন্ত্ৰী হিমন্ত বিশ্ব শৰ্মাই বুধবাৰে আন্তৰ্জাতিক ড্ৰাগছবিৰোধী দিৱস উদযাপন কৰে।
মুখ্যমন্ত্ৰীয়ে নিজে ষ্ট্ৰীমৰোলাৰত উঠি কোটি কোটি টকাৰ অবৈধ তথা আৰক্ষীয়ে সৰবৰাহকাৰীৰ পৰা জব্দ কৰা ড্ৰাগছ ধ্বংস কৰে।
মুখ্যমন্ত্ৰীয়ে এক্সত লিখিছে, ‘আমি ড্ৰাগছমুক্ত অসম গঢ়ি তোলাৰ বাবে দায়বদ্ধ, য’ত আমাৰ ল’ৰা-ছোৱালীয়ে নিচাযুক্ত দ্ৰব্যৰ ভাবুকিৰ পৰা নিৰাপদ হৈ সুস্থ জীৱন যাপন কৰিব পাৰে।”
মুখ্যমন্ত্ৰী শৰ্মাই কয় যে প্ৰশাসনৰ নিয়মীয়া আৰু কেন্দ্ৰীভূত প্ৰচেষ্টাত সৰবৰাহকাৰীৰ পৰা ২১০০ কোটিৰো অধিক মূল্যৰ নিষিদ্ধ নিচাজাতীয় সামগ্ৰী জব্দ কৰা হৈছে।
এটা ভিডিঅ‘ শ্বেয়াৰ কৰি মুখ্যমন্ত্ৰী শৰ্মাই লিখিছে, “অসমে ড্ৰাগছৰ বিৰুদ্ধে নিয়মীয়াকৈ যুদ্ধ চলাই আহিছে। ড্ৰাগছৰ ভাবুকিৰ বিৰুদ্ধে প্ৰতিনিয়ত চৰকাৰে ব্যৱস্থা গ্ৰহণ কৰি আহিছে।”
Assam has been waging a war against drugs, striking at this menace at regular intervals and recovering drugs worth over ₹2,100 crore.
We remain committed to creating a Drug-Free Assam, where our children are safe from the threat of narcotics and can lead a healthy life.
On… pic.twitter.com/Hcrtkr8eFd
— Himanta Biswa Sarma (@himantabiswa) June 26, 2024
ইফালে, আজি গুৱাহাটীৰ উপকণ্ঠ অঞ্চল চন্দ্ৰপুৰত প্ৰশাসনে জব্দ কৰা মুঠ ৫০.৩০ কোটি টকাৰ নিচাজাতীয় সামগ্ৰী ধ্বংস কৰে।
সৰবৰাহৰ বিৰুদ্ধে অভিযান চলাই বিভিন্ন কৰ্তৃপক্ষই জব্দ কৰা ড্ৰাগছখিনি এটা চুলাত জ্বলাই দিয়া হয়। ইয়াৰ ভিতৰত আছিল ৪২.৬০ কোটি টকাৰ হেৰ’ইন আৰু আৰু ৭.৭ কোটি টকাৰ নিচাযুক্ত টেবলেট।
