শেহতীয়াকৈ অসমৰ বিভিন্ন প্ৰান্তত চলি থকা উচ্ছেদ অভিযান সন্দৰ্ভত মুখ্যমন্ত্ৰী হিমন্ত বিশ্ব শৰ্মাই স্পষ্ট কৰি দিয়ে যে অসমত কোনো কাৰণত বন্ধ নকৰে উচ্ছেদ অভিযান। তেওঁ কয় যে য’ত য’ত উচ্ছেদৰ প্ৰয়োজন, সেই সকলো ঠাইতে চৰকাৰে উচ্ছেদ অভিযান চলি আাছে। একেদৰে বিধায়ক অখিল গগৈৰ মন্তব্যৰ প্ৰতি প্ৰতিক্ৰিয়া ব্যক্ত কৰি মুখ্যমন্ত্ৰীয়ে কয়, যে অখিল গগৈৰ মতে উচ্চতম ন্যায়ালয় আৰু উচ্চ ন্যায়ালয় নচলে। মই তেওঁৰ কথা শুনা নাছিলোঁ, আগলৈও শুনিম নে নাই—এইটো স্পষ্ট।
আজিৰে মুখ্যমন্ত্ৰী শৰ্মাই উত্তৰ-পূৰ্বাঞ্চলৰ প্ৰথমখন Aqua Tech Park-ৰ শুভাৰম্ভ কৰাৰ পিছতে, আায়োজন কৰা সংবাদমেলত কচুতলীৰ উচ্ছেদ অভিযান সন্দৰ্ভত মুখ্যমন্ত্ৰীয়ে স্পষ্টভাৱে কয়—“বেটেলিয়ন কেম্প হোৱাৰ লগে লগে কচুতলীত এজনো সন্দেহযুক্ত দখলকাৰী নাথাকিব। সংৰক্ষিত বনাঞ্চলত অবৈধভাৱে মাটি দখল কৰিলে, আৰু সেয়া ন্যায়সঙ্গতভাৱে প্ৰমাণিত নহ’লে, তেন্তে উচ্ছেদ কৰাটো চৰকাৰৰ দায়িত্ব। উচ্চতম ন্যায়ালয় আৰু গুৱাহাটী উচ্চ ন্যায়ালয়ে চৰকাক এই বিষয়ে স্পষ্ট নিৰ্দেশ দিছে।” তেওঁ লগতে কয়, চৰকাৰে বিবেচনাৰ ভিত্তিত য’ত প্ৰয়োজন, তাত উচ্ছেদ অভিযান চলাই আহিছে আৰু আগলৈও চলাব।
উল্লেখযোগ্যভাৱে, অখিল গগৈ সহ প্ৰায় বিৰোধী নেতা দল সংগঠনে উচ্ছেদ অভিযানৰ বিৰোধ কৰি আহিছে। তেওলোকৰ অভিযোগ যে ভোটৰ স্বাৰ্থত চৰকাৰে উচ্ছেদ অভিযান চলাইছে।
ইফালে, টিউটৰসকলক শিক্ষকলৈ উন্নীত কৰাৰ ক্ষেত্ৰত মুখ্যমন্ত্ৰীয়ে গুৰুত্বপূৰ্ণ ঘোষণা কৰে। তেওঁ কয়, “B.Ed আৰু TET উত্তীৰ্ণ হোৱা টিউটৰসকলক শিক্ষক হিচাপে উন্নীত কৰা হ’ব। যিসকলে এতিয়াও এই যোগ্যতা লাভ কৰা নাই, তেওঁলোকৰ দৰমহা চৰকাৰে বৃদ্ধি কৰিব।
এনেদৰে চৰকাৰ খনে চলে বলে কৌশলে নিজৰ উদ্দেশ্য সিদ্ধি কৰি আহিছে। উন্নয়নৰ কথা কোৱা চৰকাৰ খনে পাহৰি যায় সমাজৰ প্ৰতিটো শ্ৰেণীৰ উন্নতি নহ’লে দেশৰ উন্নতি নহয়। সম্প্ৰতি চৰকাৰ জনতাৰ বন্ধু নহয় পুঁজিপতিৰ বন্ধুত পৰিণত হৈছে। এই শ্ৰেণীটোক সন্তুষ্ট কৰিবলৈয়ে বিভিন্ন সময়ত জনবিৰোধী কাৰ্যকলাপ কৰি আহিছে।
