নেৰানেপেৰা বৰষুণৰ ফলত নৈ-উপনৈসমূহৰ লগতে বৃদ্ধি হৈছে লুইতৰ জলপৃষ্ঠ৷
ফেনে-ফোটোকাৰে ওফন্দি উঠিছে লুইত৷ প্ৰতি ঘন্টাত বাঢ়িছে লুইতৰ জলপৃষ্ঠ৷
প্ৰতি ঘন্টাত ব্ৰহ্মপুত্ৰৰ পানী ৫ ছেন্টিমিটাৰকৈ বৃদ্ধি হৈ আছে ৷
বৰ্তমান গুৱাহাটীত ব্ৰহ্মপুত্ৰৰ জলৰাশিয়ে ৪৮.১০ মিটাৰ চুইছে৷
বিপদ সীমা চুবলৈ মাত্ৰ ১.৫০ মিটাৰ বাকী৷
গুৱাহাটীত মহানগৰীত বিপদসীমা ৪৯.৬৮ মি হোৱাৰ লগতে সাৱধানী সীমা ৪৮.৬৮মিটাৰ৷
সেয়ে এই হাৰত জলপৃষ্ঠ বঢ়ি থাকিলে বিপদসীমা চুবলৈ বহু সময় নালাগিব।
উল্লেখযোগ্য যে ৰাতিপুৱা ৬ বজাত ৪৭.৬২ মিটাৰ আছিল ব্ৰহ্মপুত্ৰৰ জলপৃষ্ঠ৷
ৰাতিপুৱাতকৈ বিয়লিলৈ প্ৰায় ১ মিটাৰ বৃদ্ধি হয় জলপৃষ্ঠ৷
ইপিনে বতৰ বিজ্ঞান কেন্দ্ৰৰ তথ্য অনুসৰি আগন্তুক দুদিন দিন ধৰি অসম আৰু চুবুৰীয়া মেঘালয়ত প্ৰৱল বৃষ্টি পাতৰ সম্ভাৱনা আছে৷
ভাৰতীয় বতৰবিজ্ঞান বিভাগেও অসম আৰু মেঘালয়ত বৰষুণক লৈ সাৱধানবাণী জাৰি কৰিছে।
