কোন হ’ব জগদীপ ধনখৰৰ উত্তৰসূৰী? এই লৈ ৰাজনৈতিক মহত সৃষ্টি হৈছে জল্পনা কল্পনা। ইয়াৰ মতে ৰাষ্ট্ৰীয় গণতান্ত্ৰিক মিত্ৰজোঁটে ১৭ আগষ্টত মহাৰাষ্ট্ৰৰ ৰাজ্যপাল চি পি ৰাধাকৃষ্ণনক আগন্তুক উপ-ৰাষ্ট্ৰপতি নিৰ্বাচনৰ প্ৰাৰ্থী হিচাপে ঘোষণা কৰে। দুবাৰকৈ কইম্বটুৰৰ পৰা সাংসদ হোৱা ৰাধাকৃষ্ণন ১৯৭০ চনত আৰ এছ এছত যোগদান কৰা বিজেপিৰ জ্যেষ্ঠ নেতা আৰু ১৯৭৪ চনত ভাৰতীয় জনসংঘৰ ৰাজ্যিক কাৰ্যনিৰ্বাহক হিচাপে কৰ্মৰত আছিল।
বৰ্তমানৰ উপ-ৰাষ্ট্ৰপতি জগদীপ ধনখৰে স্বাস্থ্যজনিত কাৰণত পদত্যাগ কৰাৰ পিছতে অহা ৯ ছেপ্টেম্বৰ, ২০২৫ তাৰিখে অনুষ্ঠিত হ’বলগীয়া এই নিৰ্বাচন। ১৯৮৭ চনৰ পিছত ভাৰতৰ প্ৰথমটো আগতীয়া উপ-ৰাষ্ট্ৰপতি নিৰ্বাচন।
উল্লেখ্য যে ২১ আগষ্টত মনোনয়ন প্ৰদানৰ অন্তিম দিন, ২২ আগষ্টত মনোনয়ন পৰীক্ষণ আৰু প্ৰাৰ্থীসকলে ২৫ আগষ্টলৈকে প্ৰত্যাহাৰ কৰিব পাৰিব মনোনয়ন।
লোকসভা আৰু ৰাজ্যসভাৰ সদস্যসকল মিলি এনডিএৰ ওচৰত ৪২৫টা ভোট (মুঠৰ প্ৰায় ৫৪%) আছে। আনহাতে, বিৰোধী ইণ্ডিয়া ব্লকেৰ ওচৰত ৩১২টা ভোট (৪০%) থকাৰ লগতে আন দলৰ ওচৰত আছে ৪৫টা ভোট (৬%)। এই পৰিসংখ্যাই স্পষ্টকৈ দেখুৱাইছে যে নিৰ্বাচনত প্ৰতিদ্বন্দ্বিতা হ’লেও এনডিএই অধিক শক্তিশালী অৱস্থানত আছে।আনহাতে আন কোনো প্ৰাৰ্থী এতিয়াও আনুষ্ঠানিকভাৱে ঘোষণা কৰা হোৱা নাই যদিও বিৰোধী ইণ্ডিয়া ব্লকে যৌথ প্ৰাৰ্থী প্ৰক্ষেপ কৰাৰ সিদ্ধান্ত লৈছে আৰু অহা সপ্তাহত বৈঠক অনুষ্ঠিত কৰি চূড়ান্ত কৰাৰ পৰিকল্পনা কৰিছে। নির্বাচনত প্রতিদ্বন্দ্বিতা কৰাৰ উদ্দেশ্য সন্দর্ভত এক ঐকমত্য গঢ়ি তুলিবলৈ কংগ্রেছৰ সভাপতি মল্লিকর্জুন খার্গে মিত্রশক্তিৰ কাষ চাপিছে৷
