অসমৰ ৰাজ্যপাল অধ্যাপক জগদীশ মুখীয়ে বিশ্ব পৰিৱেশ দিৱস উপলক্ষে জনসাধাৰণক তেওঁৰ শুভেচ্ছা জ্ঞাপন কৰিছে।
অধ্যাপক মুখীয়ে কয়,’’প্ৰতি বছৰে ৫জুন তাৰিখে আমাৰ জৈৱ বৈচিত্ৰ সংৰক্ষণৰ গুৰুত্ব সম্পৰ্কে সজাগতা সৃষ্টি কৰা,পৰিৱেশৰ সৈতে জড়িত সমস্যাসমূহ চিনাক্ত কৰাৰ প্ৰয়োজনীয়তা আৰু সঠিক পদেক্ষেপ গ্ৰহণৰ বাবে পথ নিৰূপনৰ উদ্দেশ্যে বিশ্ব পৰিৱেশ দিৱস উদযাপন কৰা হয়।‘’
ৰাজ্যপালে কয় যে বিগত বছৰসমূহত মানবীয় কাৰ্যকলাপে অতিপাত অৱক্ষয়ৰ সৃষ্টি কৰিছে যাৰ ফলত পৰিৱেশ ব্যৱস্থাটো বিনষ্ট হৈছে।
তেওঁ লগতে সকলোকে পৃথিৱীৰ অধিক ক্ষতি হোৱাটো বন্ধ কৰাৰ বাবে আৰু যিমান পাৰি গছপুলি ৰোপন কৰি প্ৰকৃতিক সেউজ তথা সুন্দৰ কৰি তোলাৰ বাবে আহ্বান জনায়।
তদুপৰি, তেওঁ পৰিৱেশ সুৰক্ষিত কৰিবলৈ চৌপাশ পৰিস্কাৰ কৰি ৰখাৰ উপৰি এক স্বাস্থ্যকৰ পৰিৱেশ গঢ়ি তোলাৰ বাবে সকলোধৰণৰ প্ৰচেষ্টা আগবঢ়াবলৈ নাগৰিকসকললৈ আহ্বান জনায়।
