অসমৰ স্বাস্থ্য মন্ত্ৰী হিমন্ত বিশ্ব শৰ্মাই বুধবাৰে গুৱাহাটীৰ কালাপাহাৰত ১৬০ খন বিচনাযুক্ত কোভিড কেয়াৰ চিকিৎসালয় উদ্বোধন কৰে।
‘‘মহামাৰীৰ বিৰুদ্ধে যুদ্ধত অসমৰ স্বাস্থ্য বিভাগে আজি অন্য এক মাইলৰ খুটিত উপনীত হ’ল,’’ স্বাস্থ্য মন্ত্ৰী শৰ্মাই টুইটাৰত এইদৰে লিখে।
স্বাস্থ্য মন্ত্ৰী গৰাকীয়ে উন্নত প্ৰযুক্তিৰ চিকিৎসালয়খনে কোভিড প’জিটিভ ৰোগী সকলক চিকিৎসাৰ ক্ষেত্ৰত গুৰুত্বপূৰ্ম ভূমিকা পালন কৰিব বুলি কয়।
১৬০ খন বিচনাযুক্ত কালাপাহাৰ চিকিৎসালয়খনত সকলো ধৰণৰ উন্নত আধুনিক চিকিৎসা ব্যৱস্থা উপলব্ধ হ’ব।
চিকিৎসালয়খনত আই চি য়ুৰ লগতে অক্সিজেনৰ সুবিধা, ভেণ্টিলেটৰৰ লগতে ডায়ালাইছিল, লেবৰটৰী আৰু এক্স-ৰেৰ সুবিধা সমূহ উপলব্ধ হ’ব।
আনহাতে, চিকিৎসালয়খন সকলো সময়তে ৰোগী সকলৰ চিকিৎসাৰ বাবে ব্যৱহৃত হ’ব বুলিও স্বাস্থ্য মন্ত্ৰী গৰাকীয়ে লগতে কয়।
