গুৱাহাটীৰ মাছখোৱা সাংস্কৃতিক প্ৰকল্পত ২৩ নৱেম্বৰ শনিবাৰে অসম জাতীয়তাবাদী পৰিষদৰ কেন্দ্ৰীয় বাৰ্ষিক অধিৱেশন অনুষ্ঠিত হ’ব।
এদিনীয়া কাৰ্য্যসূচীৰে আয়োজন কৰিবলগীয়া কেন্দ্ৰীয় বাৰ্ষিক অধিৱেশনত ৰাতিপুৱা পতাকা উত্তোলন কৰিব সংগঠনটোৰ কেন্দ্ৰীয় সমিতিৰ সভাপতি শ্ৰী মহেন্দ্ৰ চন্দ্ৰ দাসে।
অনুষ্ঠানৰ লগত সংগতি ৰাখি অসমৰ বিভিন্ন ক্ষেত্ৰলৈ অৱদান আগবঢ়োৱা বিশিষ্ট নাগৰিক সকলক সম্বৰ্ধনা জ্ঞাপন কৰা হ’ব।
বিশিষ্ট সাংবাদিক অজিত কুমাৰ ভূঞা, জনপ্ৰিয় কণ্ঠশিল্পী ড০ অনিমা চৌধুৰী, বিদ্যাসাগৰ, ভিটালী দাসৰ লগতে চিকিৎসক ডা: হিতেশ বৰুৱা আৰু কৃতী শিক্ষক ভূমিধৰ বড়োক সম্বৰ্ধন জনোৱা হ’ব।
উল্লেখযোগ্য যে, অসম জাতীয়তাবাদী পৰিষদে নিবনুৱা সমস্যাৰ স্থায়ী সমাধান, ৰাজ্যৰ ভূমি নীতিৰ সংস্কাৰ, অসমত আন্তঃৰাজ্যিক পাৰপত্ৰ ব্যৱস্থাৰ প্ৰৱৰ্তন, অসমত পূৰ্ণ স্বায়ত্ত শাসন আৰু দ্বি-নাগৰিকত্বৰ ব্যৱস্থা প্ৰৱৰ্তন, খনিজ আৰু প্ৰাকৃতি সম্পদৰ সুৰক্ষা, বানপানীৰ স্থায়ী সমাধান আদি দাবীৰ জনায় আহিছে।
