কাছাৰ আৰু নগাঁও কাগজ কলত ৪১৪১ কোটি টকীয়া বিয়াগোম কেলেংকাৰীৰ অভিযোগ প্ৰদেশ কংগ্ৰেছৰ
কাছাৰ আৰু নগাঁও কাগজ কলত ৪১৪১ কোটি টকীয়া বিয়াগোম কেলেংকাৰীৰ অভিযোগ প্ৰদেশ কংগ্ৰেছৰ
বিজেপি চৰকাৰৰ আমোলত কাছাৰ আৰু নগাঁও কাগজ কলত ৪,১৪১ কোটি টকীয়া বিয়াগোম কেলেংকাৰীৰ অভিযোগ তুলিছে অসম প্ৰদেশ কংগ্ৰেছে।
আজি এক সংবাদ মেল সম্বোধন কৰি প্ৰদেশ কংগ্ৰেছে এই কেলেংকাৰীৰ অভিযোগ উত্থাপন কৰিছে। প্ৰদেশ কংগ্ৰেছৰ অভিযোগ অনুসৰি ২০১৪-১৫ চনৰ পৰা ৪ বছৰলৈ কাগজ কল দুটাৰ বাবে এই ধনৰাশি আৱন্টন দিয়া হৈছিল।
কাছাৰ আৰু নগাঁও কাগজ কলৰ বাবে মুঠ ৪,১৪১ কোটি টকা আৱন্টন দিয়া হৈছে বুলি চৰকাৰী পক্ষই সংসদত সদৰি কৰিছিল।
কিন্তু এই বৃহৎ পুঁজি আৱন্টন দিয়াৰ পিছতো কাছাৰ আৰু নগাঁও কাগজ কল কিয় বন্ধ হ’বলগীয়া বুলি প্ৰশ্ন উত্থাপন কৰে কংগ্ৰেছে।
আৱন্টিত পুঁজি কাছাৰ আৰু নগাঁও কাগজ কলে লাভ কৰাৰ পূৰ্বেই আত্মসাত কৰাৰ অভিযোগ তুলিছে প্ৰদেশ কংগ্ৰেছে।
এই বিয়াগোম কেলেংকাৰীৰ বিৰুদ্ধে অসম প্ৰদেশ কংগ্ৰেছ কমিটিয়ে সমগ্ৰ ৰাজ্যজুৰি তীব্ৰ প্ৰতিবাদী কাৰ্যসূচী গ্ৰহণ কৰিব বুলি হুংকাৰ দিয়ে।
আনহাতে সংবাদ মেলত প্ৰদেশ কংগ্ৰেছৰ মুখপাত্ৰ দিলীপ শৰ্মাই ২০২১ চনৰ মে’ মাহত কাগজ কল দুটাৰ বাবে ১১৩৯ কোটি টকা মূল্য নিৰ্ধাৰণ কৰা হৈছিল।
কিন্তু এইবাৰ কোনো বনিয়াৰ স্বাৰ্থত পুনৰ মূল্য হ্ৰাস কৰি ৪২৯ কোটি টকা নিৰ্ধাৰণ কৰা হৈছে।
বনিয়াৰ স্বাৰ্থতে বিজেপি চৰকাৰৰ আমোলত কাছাৰ আৰু নগাঁও কাগজ কলক লৈ কুটিল ষড়যন্ত্ৰ চলিছে বুলি অভিযোগ কৰে।
কাগজ কল দুটাত উৎপাদনৰ সুযোগ থকা সত্ত্বেও কমিছনৰ অংকতে নিবিদা মূল্য হ্ৰাস কৰিছে বুলিও কংগ্ৰেছে অভিযোগ উত্থাপন কৰে।
চমক সৃষ্টি কৰি ৱাহ ৱাহ লোৱা বিজেপি চৰকাৰে কেবিনেটত পিঠা লাড়ু খোৱা সিদ্ধান্ত ল’লেও ঐতিহাসিক সিদ্ধান্ত আখ্যা দিয়ে।
কিন্তু বিজেপি চৰকাৰৰ দিনত দুয়োটা কাগজ কলৰ ১০০ জন কৰ্মচাৰীৰ চিকিৎসাৰ অভাৱত মৃত্যু হোৱাৰ পিছতো চৰকাৰৰ গা নলৰিল বুলি উল্লেখ কৰি চৰকাৰক ধিক্কাৰ জনায় কংগ্ৰেছৰ মুখপাত্ৰ গৰাকীয়ে।