মঙলবাৰে হোজাইৰ পাঞ্জাৱ নেশ্যনেল বেংকৰ ব্ৰাঞ্চ মেনেজাৰ মৃদুল দাসে আত্মহত্যা কৰে।
৩২ বছৰীয়া মৃদুল দাসক হোজাইৰ গোবিন্দপেলিত থকা ভাৰাঘড়ত মঙলবাৰে চিপ লৈ থকা অৱস্থাত উদ্ধাৰ কৰা হয়।
আত্মহত্যাৰ ঘটনা সন্দৰ্ভত হোজাই আৰক্ষী থানাৰ আৰক্ষী অধীক্ষক গৌতম কুমাৰে কয় যে, মেনেজাৰ গৰাকী বেংকলৈ নহা আৰু কোনোধৰণৰ ফোনকলৰ উত্তৰ নিদিয়া বাবে বেংকটোৰ অন্যান্য কৰ্মচাৰী সকলে আৰক্ষী থানাত খবৰ কৰে।
বেংকটোৰ কৰ্মচাৰীৰ খবৰৰ ভিত্তিত আৰক্ষীৰ দল এটা মৃদুল দাসৰ ভাৰাঘড়ত উপস্থিত হয় আৰু তেওঁক চিপ লৈ থকা অৱস্থাত উদ্ধাৰ কৰে।
প্ৰাথমিক তদন্তত আৰক্ষীয়ে এয়া আত্মহত্যাৰ ঘটনা বুলিও জানিবলৈ দিছে যদিও পৰৱৰ্তী সময়ত তেওঁলোকে অধিক তথ্যৰ বাবে তদন্ত অব্যাহত ৰাখিব বুলি কয়।
আৰক্ষীয়ে বেংকটোৰ মেনেজাৰ গৰাকীৰ মৃতদেহ আৰক্ষীৰ জিম্মাত লয়।
